Alkatiri dehan, nia parte laiha ambisaun ruma ba kargu ka pasta primeiru ministru no ministru sira seluk.

“Ha'u la preokupa, ha'u rasik seidauk kandidata-aan ba primeiru ministru, tantu ha'u la preokupa ho ministru sira seluk”, dehan nia, hafoin soru-mutu ho Prezidente timoroan, iha Palasiu Prezidensiál, Ai-Tarak Laran, horisehik.

Entretantu, kona-ba atu kargu Prezidente Parlamentu Nasionál, Alkatiri dehan, ne’e depende ba partidu koligasaun ka lider sira iha partidu nia laran.

“Prienxe kadeira iha parlamentár Prezidente Parlamentu Nasionál ha'u prienxe tomak labele, ne’e mak agora ita ko'alia daudauk”, dehan nia.

Maski nune’e, desizaun definitivu ba koligasaun sei hatene loloos iha 5 Setembru 2017, iha momentu tomada de pose Deputadu IV Lejizlatura.

Sekjer FRETILIN rekoñese katak, sira buka hela partidu sira seluk hodi la’o hamutuk tanba la fiar-aan hodi kadeira minoria ne’ebé hetan iha Parlamentu Nasionál.