Aimoruk stock out iha INFPM 28%, HNGV 17% Featured

By Adelaide dos Santos Abril 16, 2024 142
Aimoruk. Foto:Dok. Aimoruk. Foto:Dok.

DILI: Problema stock out ba aimoruk sei kontinua mosu. Tuir dadus, daudauk ne’e aimoruk esensial, nesesariu no vital iha Institutu Nasional Farmasia no Produtu Mediku porsentu 28 no Hospital Nasional Guido Valadares porsentu 17% mak stock out.

Portavoz Ekipa Integradu Ministériu Saúde, Vidal de Jesus Lopes hatete, aimoruk la’ós laiha maibé stock mak menus.

“Agora daudaun ita-nia númeru stock out aumenta uitoan ba INFPM 28% no iha HNGV 17%,” dehan Vidal iha HNGV, Segunda (15/04).

Nia hatutan, aimoruk iha INFPM stock out beibeik tanba sira sustenta ba fasilidade saúde sira iha Timor-Leste laran tomak.

“Tanba demanda barak demais ho nune’e ai-moruk nafatin stock out,” Vidal hatutan.

Tuir informasaun ne’ebé portavos ne’e hetan, iha inisiu fulan Maiu aimoruk item 147 ne’ebé INFPM sosa sei tama. Enkuantu husi kompania Sali-Magu item 530 kompostu husi aimoruk, konsumaveis, no reajente.

“INFPM rasik mós halo ona kompras 147 item. Husi aimoruk 147 item ne’e, tuir lista esensial ne’e 405 ne’ebé HNGV hatama ba INFPM, tanba ne’e ida ne’ebé HNGV hatama ne’e kompras annual no nia kuantifikasaun no espesifikasaun ne’ebé hatama ne’e sira sosa tuir ida ne’e,” dehan nia.

Rate this item
(0 votes)

Independente Digital TV