ADTL Agradese ba SEKomS Tanba Promove EhD Inkluzaun Sosial Featured

By Ivonia Varela Maiu 07, 2024 218
Diretor Ezekutivu ADTL ho Sekretariu Estadu Komunikasaun Sosial  sai Orador iha seminariu nasionál hodi promove inkluzaun iha komunikasaun sosial iha Timor-Leste. Iha Salaun Sao Joao Paulo II, Komoro, Dili,, (02/05/24). Foto:INDEPENDENTE. Diretor Ezekutivu ADTL ho Sekretariu Estadu Komunikasaun Sosial sai Orador iha seminariu nasionál hodi promove inkluzaun iha komunikasaun sosial iha Timor-Leste. Iha Salaun Sao Joao Paulo II, Komoro, Dili,, (02/05/24). Foto:INDEPENDENTE.

DILI: Asosiasaun Defisiensia Timor-Leste (ADTL), agradese ba Sekretária Estadu Komunikasaun Sosial (SEKomS) tanba realiza Semináriu nasionál hodi promove inkluzaun iha komunikasaun sosial iha Timor-Leste.

Sekretariu Estadu Komunikasaun Sosial, Expedito Dias Ximenes hatete, IX Governu Konstituisionál tau prioridade ba Ema ho Defisiensia (EhD) tanba sira hola parte iha dezenvolvimentu nasionál, iha prosesu dezemvolvimentu inkluzivu.
Dezenvolvimentu inkluzivu ba Ema ho Difisiensia (EhD), governante ne’e afirma, la iha Timoroan ida iha kotuk, hotu-hotu tenki partisipa iha dezenvolvimentu nasionál inkliu EhD.
"Tanba ne'e mak Semináriu ne'e, IX Governu liu husi Sekretariu Estadu Komunikasaun Sosial halo espesial ba ita-nia maun alin sira defisiensia," dehan SEKomS iha Salaun João Paulo II Komoro, Kinta (02/05).
Liberdade Imprensa iha Timor-Leste, nia esplika, sai hanesan pillár ba demokrasia no dezenvolvimentu inkluzivu, tanba koalia kona-ba liberdade imprensa ko'alia mós kona-ba demokrasia.
Diretór Ezekutivu Asosiasaun Defisiensia Timor-Leste (ADTL), Cesário da Silva hato’o agradese ba SEKomS tanba bele realiza Semináriu nasional tanba liu husi atividade ne'e mak promove inkluzaun sosial.
Instituisaun sira sempre ko'alia makas liu ba inkluzaun sosial maibé la iha asaun, nia relata, governu tenke kria mekanizmu atu envolve Ema ho Difisiensia ba dezenvolvimentu nasional.
"Asaun sira mak hanesan nee atu partilla informasaun hodi mellora ema nia koñesimentu ka transforma ema nia koñesimentu ba mudansa, tan ne'e agradese ba SEKomS ne'ebé hahú ona halo diskusaun ho instituisaun defisiensia," nia esplika.

Rate this item
(0 votes)
Last modified on Tersa, 07 Maiu 2024 09:54

Independente Digital TV