Diretór Ezekutivu ADTL, Cesário da Silva hatete, ADTL nia parte mak mobiliza no organiza Ema ho Difisensia ba vizitasaun Sua Santidade Papa Franscisco.
Iha vizitasaun Santo Papa NE'E, Nia dehan, ADTL prepara nia membru hamutuk na’in 71 hodi partisipa direita iha atividade iha Igreja Katedrál no Sentru Konvesaun Dili (CCD, sigla portugués).
“Ita hotu hatene, hahú husi loron 9 to’o 11 fulan-Setembro, ita iha Dili, Asosiasaun DifisIénsia Timor-Leste iha papél importante ida atu organiza no mobiliza ema ho difesensia, entaun koordenasaun koperasaun ho komisaun organizadora kuaze ita mobiliza ema ho difesiénsia hamutuk na’in 71 ne’ebé trajetu ba iha Katredál iha dia 10 no na’in 15 iha CCD,” dehan Diretor iha nia kanar fatin maskarenhas, Tersa (17/09).
Membru 71 ne’ebé partisipa direta iha vizitasaun Papa Franscisco ne’e maioria ADTL koloka iha Katedrál.
"Iha atividade ne’e, mobilizasaun hotu di’ak tebes tanba sira hotu hetan oprtunidade ne’ebé di’ak, liu-liu sira hotu bele hetan bensaun direita no bele kaer liman ho Papa, entaun buat di’ak ne’ebé ADTL presiza atu ko’alia mak husi EhD na’in 71 ne’e hola parte iha oin hotu, durante loron rua ne’ebé Papa Francisco halo nia atividade ba,"Tenik Diretor.
Diretór ezekutivu ne’e, hato’o agradese ba governu liu husi komisaun tomak ne’ebé prepara atividade ba vizitasaun Sua Santidade Papa Francisco tanba sira konsidera envolve mós Ema ho Difisiénsia.
“Iha ami-nia akompañamentu agradese ba governu liu-liu komisaun tomak ne’ebé organiza aktividade ida ne’ebé simu Sua santidade Papa nia ne’e ami konsegue envolve Ema ho Defisensia sira hotu iha ne’ebá maske kondisaun balun la dun diak, maibé kuaze Ema ho Defisiensia sira hotu hola parte,” dehan Diretór.
Nia dehan, la’os ema ho difisiénsia na’in 71 ne’e de’it mak hetan bensaun husi Sua Santidade Papa Francisco, maibé, iha labarik difesiénsia barak mak hetan bensaun direita husi sua santidade bainhira hala’o vizita iha Rezidénsia Madre ALMA iha Pantai Kelapa Dili.
