Nia dehan, nia parte agradese ba Maromak no Governu sentral liuliu Ministru Administrasaun Estatal (MAE), Tomas Cabral ne’ebé fó ona fiar ba nia hodi lidera postu refere. Tanba ne’e nia sei responsavél ba reponsabilidade ne’ebé simu ona liuliu hare ba povu nia moris iha suku no aldeia.
“Señor Ministru ne’ebé fó fiar mai ami, oinsa atu assume kargu ida, hodi bele lidera postu administrativu ida ne’ebé durante ne’e administradór sesante husik hela, tanba Maromak bolu fila nia, nune’e, oinsa atu lidera fali povu laclubar ba futuru ne’ebé di’ak, mak ha’u sei reponsavel ba fiar ne’ebé fó ona hodi lori povu Laclubar ba moris diak durante ami nia mandatu,” dehan Empzadu iha Sala VIP-MAE Kaikoli, Kinta (03/10).
Iha fatin hanesan, Ministru Administrasaun Estatal, Tomas Cabral, husu ba empozada na’in rua, atu labele hela deit iha munisipiu maibé tenki tun ba suku no aldeia hodi hare kondisaun eskola, sentru saúde, agrikultura no liliu povu nia moris iha baze.
“La’os loron loron hela de’it iha Postu administrative, maibé tenki tun ba adeia no suku, ba hare tok kondisoens oinsa, ba hare eskola sira iha kraik ne’e, eskola sira ne’e kondisaun di’ak ka lae, ba to’o klinik sira, haree tok agrikultura sira ne’e iha produsaun ka lae?,”dehan Ministru Tomas.
Governante ne’e hatutan, termu pose no akta aseitasaun ne’e iha, tanba atu fó servisu tomak ba populasaun sira.
Tan ne’e, Ministru dehan, ba sira ne’ebé simu ona pose tenke kumpri saida sira mak simu.
