Nia dehan, tinan ne'e sei anunsia tékniku saida mak tenke halo hodi bele prepara aan di'ak liután kuandu tinan ne'e ASEAN anunsia TL sai membru no mós adezaun formal ne'ebé sei akontese tinan oin.

"Esplika ba primeiru ministru kona-ba preparasaun tékniku saida mak tenke halo hodi bele prepara aan di'ak liután kuandu fim tinan ne'e ASEAN anunsia ita atu sai membru," dehan nia, iha rezidensia primeiru ministru, Farol, horisehik.

Nia hatutan, MNEK ho ekipa ASEAN mai esplika kona-ba preparasaun saida mak MNEK halo no lidera mós sei afeta ba serbisu liña ministeriál sira seluk.

"Purezemplu, ita tenke prepara rekruta tan rekursu umanu balu, ita mós aprova lejizlasaun balu ne'ebé iha hodi ita prepara aan liután. Ita-nia esforsu sira ne'e hatudu fó mensajen ba país membru ASEAN sira katak ita halo esforsu hafoin sira anunsia Timor bele sai membru ASEAN tinan oin," tenik Adalzija.

Bainhira buat hotu la’o di'ak sira hakarak Timor-Leste sai ona membru ASEAN iha tinan oin (2023), ida ne'e mak prosesu sira la’o hela. Espera lalais di'ak liután.

"Rekrutamentu rekursu umanu, akoordu iha Konsellu Ministru. Ha'u sei anunsia, mas ita sei presiza rekursu umanu lubuk ida para tau iha liña ministeriál sira ba ‘area oioin hanesan ekonomiku, agrikultura, telekominikasaun, aviasaun no mós area petróleu," nia akresenta.

Kritériu sira ne'ebé iha rezultadu pozitivu, tanba ne'e sira hodi hatete rezultadu komisaun akollamentu verdade ne'e nia rezultadu di'ak tebtebes, sira iha de'it buat balu ne'ebé TL ajusta.

Bainhira laiha ona objesaun ruma mak Primeiru Ministru Kambodia nian deklara iha públiku katak sira espera TL bele sai membru iha tinan oin. Entaun ne'e sei hetan benefisiu eintermus ekonomia sei barak tebtebes.

Entretantu, orientasaun Primeiru Ministru, Taur Matan Ruak, atu serbisu hamutuk ho gabinete primeiru ministru nian atu halo ajustamentu liután ba lejizlasaun sira hodi armomiza tuir lejizlasaun ASEAN nian.