Misa ne’e hala’o, hafoin kardeál sira simu konsultóriu ordiariu públiku iha loron 27 Agostu liuba no misa ne’e partisipa direita hosi sarani rihun resin, inklui sarani Timor-Leste hamutuk ho Enviadu Espesiál Extraordináriu Prezidente Repúblika, Kay Rala Xanana Gusmão ho ekipa.

Ba Kardeál na’in 20 ne’ebé hola parte ona iha Koléjiu Kardinalísiu, Papa Francisco husu atu halo igreija sai atraiante.

“Liafuan Maromak hamosu ita nia administrasaun iha igreija, sai igreija! No ida ne’e mak sai atraiante ba komunidade fi’ar na’in sira, dahuluk ba an rasik no depois ba ema hotu: duplo mistériu ne’e hetan bensaun Husi Cristo no ba Kristo iha mundo. Admirasaun ida ne’e la hamenus husi ita tinan ba tinan, neim menus mos iha responsabilidade ba Igreija. Grasa Maromak nian. Hametin, halo sai klean. Hau fiar katak, hanesan nne’e mos ba imi, maun-alin sira ne’ebe hola parte iha Koléjiu Kardinalísiu," dehan Amu Papa, iha ninia omília.

Papa husu ba kardeál sira kontinua servisu makaas, hodi sai nu’udar illas Na’i Jesus no Santo sira hotu no hadomi Igreja no sarani nu’udar Na’I Kristu nia maksoin hodi lori dame ba ema hotu iha moris.

Tuir ajenda, horisehik (31/8), Enviadu Espesiál Extraordináriu Prezidente Repúlika, Kay Rala Xanana Gusmão no Kardeál Don Virgílio do Carmo da Silva hamutuk ho Embaixadora Timor-Leste ba Vaticano, Juvita Rodrigues B. Ataide Gonçalves no komunidade timoroan sira iha Roma sei selebra misa agradesimentu ba kardeál foun.

Hafoin missa, Kardeál Don Virgílio no Xanana Gusmão sei hato’o nia mensajen ba timoroan sira iha Vaticano.