Eis Komandante Daruak Polisia Nasionál Timor-Leste, Komisariu Polisia Mateus Fernandes husik hela mundu iha ninia hela fatin, Bebonuk, Postu Administrativu Dom Aleixo, Munisipiu Dili, iha 8 Abril dader nakukun.

Tuir informasaun, Komisariu Mateus iis kotu tanba sofre moras komplikadu.

Komandante PNTL Munisípiu Dili, Superintendente Xefe Polisia Orlando Gomes lori familia boot Komandu Munisípiu Dili hato’o sentidu kondolénsia ba família matebian no husu atu matebian hetan fatin di’ak iha reinu lalehan.

Orlando hatete, durante ninia mandatu nu’udar Komandante daruak PNTL, matebian hatudu ninia disiplina iha servisu.

“Tuir ha’u haree, ita-nia matebian Mateus Fernandes, ema ida ke servisu ho nonook, ho ninia lideransa orienta ba membru sira halo servisu tuir regra, tuir lei ne’ebé mak iha,” dehan Orlando ba Jornalista sira, hafoin enkontru ho membru Polísia Tránzitu, iha Komandu PNTL Dili, Kaikoli, Tersa (09/04).

Entretantu, tuir obrservasaun Jornalista INDEPENDENTE iha mate-uma, Komandante daruak PNTL, Komisariu Polísia Pedro Belo, hamutuk ho superior no membru PNTL balun marka ona prezensa iha mate-uma Bebonuk atu prepara fatin ba funebre.

Matebian Komisariu Mateus nu’udar Komandante daruak iha lideransa Komisariu Polísia Faustino da Costa bainhira asumi kargu iha Komandu Jerál PNTL ba periodu 2019-2023.

Biografia Eis Segundo Komandante Jeral PNTL Mateus Fernandes

Eis Segundu Komadante Jeral PNTL Komisariu Mateus Fernandes, MSC, moris iha UatoCarbau, Munisipiu Vikeke, iha loron 2 Marsu tinan 1973 ho estadu sivil kaben nain.

Saudozu Komisariu Mateus Fernandes eskola iha Eskola Primaria Uato Carbau 1980 –1986, Eskola Sekundaria iha Uato Carbau 1987 –1990, Eskola Sekundaria Superior iha Vikeke iha tinan 1990-1993, hafoin remata eskola iha Ensinu Sekundaria, Komisariu Mateus Fernandes kontinua nia estudu iha Ensinu Superior iha 1993 –1996 no Gradua ho Bacharelatu husi Universidade Undana Kupang, iha 2005-2010 Graduadu husi Universidade da Paz (UNPAZ) Lisensiatura Relasaun Internasional no Setembru 2010-15 Maiu 2012 Pos-Graduasaun, Siensia Polisial (Jestaun ba Polisia) no iha Outubru 2010 –Maiu 2012 Graduadu husi Universidade Indonesia, Mestradu Siensia Polisial (Jestaun Polisial).

Iha 12 de Outubru 2012-7 de Jullu 2013 Top Careerstudy Chief of Staff: Lemhannas RI (National Resilience National Leaders), Graduadu ho klasifikasaun: Estrela Emblematika (flagship star).

Durante hala’o knaar iha instuisaun PNTL, eis Segundu Komandante Jeral mós tuir kursu iha estranjeiru no rai laran hodi aprofunda liutan nia kuiñesimentu hanesan iha 2004 Kursu Komandante Munisipiu iha Kuala Lumpur, Maktab Pegawai Kanan Malaysia.

Iha 2008 (Graduadu APCSS no Sertifikadu), no (Sertifikadu) husi Japan Senior Police Foreign Course; iha 12 de Maiu 2009 tuir kursu Comprehensive Security Responses Tom Terrorism Asia Pacific Center for Security Studies no hetan rekonesimentu kompleta kursu CSRT liu husi rekomendasaun husi fakuldade no staffiha Honolulu-Hawai.

Janeiru –Abril 2009 tuir kursu Topu ExecutivuPlaneamentu Estartejiku ba Seguransa no Dezenvolvimentu, iha UK Defense Force Academy no iha Dezembru 2009 tuir kursu badak kona-ba Jestaun ba Mudansa no Lideransa (Change Management and Leadership) husi Defence Academy of United Kingdom.

Alende ne’e iha Outubru 2015 tuir Konferensia Internasional IACP (International Association of Chief of Police) iha Chicago, Illinois (USA); iha Junu 2018 tuir kursu Dinamiku Dezenvolvimentu Seguransa husi Konsellu Seguransa ba Xefia Polisia Nasoens Unidas nian iha Nove Yorke no kursu Dynamic Security Development of Security Council for United Nations Chief of Police (UNCOPS).

Iha Junu 2009 tuir konferensia ba Ofisial Senior Polisia Estranjeiru nian kona-ba Investigasaun Kriminal iha Japaun ne’ebe fasilita husi JICA (Japan-JICA) no iha 2008 tuir Seminariu Perspetiva Polisiamentu ba 2020, iha Canberra Australia. Nune’e mos tuir Seminariu Sistema Modelu Polisia, iha Kolejiu Polisia Indonezia; iha Setembru tuir Seminariu.

kona-ba Organizasaun ba Proibisaun Armas Kimikas (Organization for the Prohibition of

Chemical Weapons) no Semináriu ba Ofisiais sira ne’ebé foti Desizaun ho Parseiru sira kona-ba Konvensaun Nasionál ba Implementasaun Armas Kimikas nian. Iha 2013 tuir Kursu badak

konaba Dominiu Edukasaun kona-ba Estratéjia no Resilénsia iha Jakarta- Indonesia ne’ebe

kompleta ho susesu.

Iha Abril 2011 tuir Semináriu kona-ba Problema no Implementasaun Droga no Krimi iha Indonesia; Iha loron 17-23 de Fevereiru 2003 tuir Kursu Jestaun Nível Médiu iha Dili (ICITAP) (Sertifikadu); no iha Juñu 2001 tuir kursu Supervizaun Polisiál ba Sosiedade Demokrátika iha (ICITAP) Dili.

Iha nia Karreira hanesan Autoridade Siguransa iha instituisaun Polísia Nasional Timor-Leste (PNTL) Segundu Komandante Jeral Komisariu Mateus Fernandes hetan konfiansa husi Komandu PNTL hodi hetan nomeiasaun ofisiál hanesan Xefe Investigasaun iha munisipiu Viqueque hahu Abril – Agostu 2001; iha Setembru – Dezembru hetan nomeiasaun

ba Adjuntu Komandante Munisipiu Viqueque no ikus mai iha fulan Dezembru hetan fiar sai

Komandante munisipiu Viqueque hodi lidera Komandu PNTL munisipiu Viqueque.

 Iha Fevereiru 2002 – 2005, hetan nomeiasaun ba Komandante Operasaun Nasionál, iha Setembru 2005 – Marsu 2006, hetan nomeiasaun hanesan Ofisiál Ligasaun entre PNTL & F-FDTL.

Iha Maiu 2007 – Outubru 2009, hetan nomeiasaun ba Adjuntu Komisáriu Polísia ba Operasaun no Intervensaun no iha tinan 2008 hetan Nomeiasaun ba Adjuntu Xefe Estadu ba periudu Estadu Emerjénsia Insidente Emboskada hasoru Xefe Estadu no Primeiru Ministru.

 loron 6 Juñu 2012 – 8 Outubru 2012 asumi kargu hanesan Xefe Interpol iha Timor Leste, no iha 19 Fevereiru 2014 to’o 2019 hetan nomeiasaun hanesan Komandante Administrasaun Nasionál. Iha loron 15 de Agostu 2018 to’o 26 de Marsu 2019 hetan nomeiasaun hanesan Komandante Operasaun PNTL Nasionál.

Ho dedikasaun no Espiritu servi ne’ebe maka iha durante hala’o nia kareira profesional iha Instituisaun Seguransa ne’e maka Komandante Mateus Fernandes mós simu Rekoñesementu  no Louvor husi entidade governu Timor-Leste no parseru sira hanesan Medalla Ezemplar, grau  Ouro ba individual husi Ministro Defeza no Seguransa, Medalla Públiku grau Prata, husi

Ministro Defeza no Seguransa, Medalla Komportamentu Ezemplár, individuál husi Ministru Defeza no Seguransa; Medalla ba Operasaun Halibur nudar Adjuntu Xefe Estadu ba Komandu Konjuntu; no Medalla (Kuadro Onra) Individuál Sertifikadu husi Lemhannas RI (National Resilience) Estrela Emblemátika (Bintang Andalan).

Ho esperensia no kapasidade ne’ebe maka Superintendente Xefe Mateus Fernandes iha maka iha aniversariu PNTL ba dala-19 ( 27 Marsu 2019 ) Governu Konstitusional da-8 ne’ebe lidera husi Primeiru Ministru Taur Matan Ruak fo fiar ba nia hodi nomeia hanesan Segundu Komandante Jeral PNTL ho Diviza

Komisariu; ba periodu tinan 2019-2023.