“ Kazu detetadu foun na’in 29, rekuperadu laiha no kazu ativu sa’e ba 72,” dehan Adjunta Koordenadór Forsa-Tarefas ba Prevensaun no Mitigasaun Surtu Covid-19, liu husi komunikadu ne’ebé Online INDEPENDENTE, asesu domingo ne’e.
Ho nune’e, total komulativu kazu konfirmadu sura husi loron 21 fulan-Marsu tinan 2020 to’o 30 Janeiru 2022 hamutuk 19.937 no kazu óbitu iha na’in 122.
Entretantu, husi horseik (29/01) mai ohin, teste PCR ne’ebé Laboratoriu Nasional Saúde halo iha Dili hamutuk 278, kompostu husi Contact tracing na’in 27, random screening na’in 42 no viajen internasional hamutuk 209.
Aleinde, teste PCR ne’ébé halo iha munisipiu sira seluk, RAEOA no HNGV hamutuk na’in 48.
