"Prezidente Repúblika sei kondekora veteranu 79, na'in-74 rai-laran no na'in-5 hosi rai-liur," hateten Ministru Administrasaun Estatál (MAE), Miguel Pereira de Carvalho, iha Palasiu Prezidensiál, Bairru-Pité, horisehik.
Aleinde ne'e, nia dehan, sei iha atividade feira ne'ebé Ministériu Turismu Komérsiu no Indústria (MTKI) mak realiza, hahú iha loron 22 Novembru to'o 28 Novembru.
Nia hatete, molok komemora loron Proklamasaun Independénsia, iha 26 Novembru, tuku 15:00 sei iha missa agradesementu iha Igreja Manatuto.
Nune'e, tema ba komemorasaun loron proklamasaun independénsia iha Manatuto mak "Mai Ita Hamutuk Kontinua Luta Ba Povu Nia Moris Di'ak".
Governu prevee osan ba komemorasaun ne'e hamutuk US$ 500.000.
Entretantu, iha enkontru ne'e Prezidente Repúblika disponibilidade sei partisipa no prezide hasa’e bandeira iha Manatutu.
