Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr, Rui Maria de Araújo hatete, kazu foun ne’ebé deteta ohin, iha Kapital Dili iha Kazu na’in 270, Baucau 28, Bobonaro 12, Ainaro 10, Covalima 7, Ermera 1, Lautem 4, Manatuto 8, Manufahi 7, RAEOA 6 no Vikeke 8.

“Kazu detetadu foun ohin, iha kazu 137 ka 38% mak hatudu sintomas. No iha na’in 113 (32%) iha ona vasina kompletu no mós 32 (9%) hetan ona vasina doze dahuluk,”dehan nia iha komunikadu, kuarta ne’e.

Nune’e, pasiente ne’ebé rekopera husi moras Covid-19, ohin  hamutuk na’in 124 no kazu ativu iha sala izolamentu hamutuk 4.052.

Enkuantu, totál Komulativu kazu konfirmadu sura husi loron 20 fulan-Marsu tinan 2020 to’o loron 25 fulan-Agostus tinan 2021 hamutuk 15.296.

Aleinde, SIJK mós rejista sidadaun Timor-Oan feto ida ho idade 55 mate ho Covid-19, sidadaun ne’e hela iha Dili no seidauk vasina.

Iha loron 23 fulan-Agostu tinan 2021 hetan diagnóstikadu sindroma insufisiénsia respiratória aguda (SIRA) tanba Covid-19 (PCR pozitivu, CT Egene 29) no hahú halo tratamento iha Vera Cruz, iha loron ne’e kedas.

Matebian iha mós istória sofre moras tuberkuloze. Ohin matebian is-kotu iha oras tuku 09:10 dader. Familia kordena hela ho ekipa saúde sira atu hala’o funeral tuir protokolu ne’ebé adopta iha Timor-Leste.

Tuir dadus, total ema mate ho Covid-19 iha Timor-Leste hamutuk  52.

Entretantu, husi horiseik (24/08) mai ohin teste PCR ne'ebé Laboratóriu Nasionál Saúde halo iha Dili hamutuk 758, kompostu husi, vijilánsia sentinela na’in 147, contact tracing 152, random Screening 68, viájen sai husi serka sanitária husi Dili 308, viájen internasionál 57 no follow up iha kuarenten 28.

Teste PCR ne’ebé halo horiseik (24/08) iha Munisipiu sira seluk, RAEOA no HNGV hamutuk 509 ho detallu hanesan, Baucau 85, Maliana 54, Maubisse 27, RAEOA 48, Suia 78, Vikeke 19, Lospalos 19 no HNGV 179.

Ohin, iha Izolamentu Vera Crus halo tratamentu ba kazu detetadu hamutuk na'in 71.

Asistente Editor: Saturnina da Costa