Diretora Ezekutiva FOKUPERS, Maria Fatima Pereira Guteres hatete, hahú husi fulan Janeiru-Novembru 2022, FOKUPERS rejistu kazu violensia domestika hamutuk 138.
"Iha tinan 2022, ami rejistu kazu violensia hamutuk 138, husi kazu ne'e inklui labarik sira ne’ebé hala’o servisu iha dalan ninin," dehan Maria Fatima Pereira Guteres iha ninia servisu fatin, Farol, (05/01).
Nia informa, tipu kazu iha oin-oin hanesan violensia domestiku ne'ebe bo'ot liu hamutuk 52, violensia ba labarik iha kazu 2, abandona husi laen kazu 36, abandona husi namoradu iha kazu 5, violensia seksual ba ema bo’ot iha kazu 7.
Nia hatutan, kazu violensia seksual hasoru labarik iha kazu neen (6), abuzu seksual ba labarik iha ida (1), insestu ba labarik iha haat (4), violensia publiku ka la'os agresivu hasoru labarik iha 2,
Enkuantu, kazu violensia publiku ka la'os agresivu fiziku ba ema boot iha hitu (7), ema soe Bebe iha ida (1), abortu aforsadu-infatisidu ba Bebe iha ida (1), trafiku umanu iha hitu (7), hadau malu oan iha kazu rua (2), no ameasa-burla, la'o la fila ba uma iha haat (4).
Husi kazu hirak iha leten ne'e, nia dehan, kliente ne'ebe mai mesak hamutuk 27, vitima sobrevivente iha haat (4), husi membru Fokupers ka staff iha lima (5), família kliente iha 30, Polisia Unidade Pessoal Vulneraveis (VPU), Komunidade eskuadra Polisia, Polisia Servisu Investigasaun Kriminal (PCIC) iha 18, pradet iha 11.
Nia hatutan, Ministeriu Solidaridade Sosial no Inkluzaun iha rua (2), Rede referal sira, Yayasan Hak, Organizasaun Internasional Oxfam, Uma Paz Baucau, Forum Comunicacao Juventude (FCJ), Fundasaun Azia (TAF), Uniaun Ema ho Defisiensia Matan (ETBU), Asosiasaun Chega ba Ita (ACbit), Komisaun Nasional Direitu Labarik (KNDL) iha rua nulu (20).
Nia dehan, kazu hosi sekretaria Estadu Igualdade no Inkluzaun (SEII) no Programa Monitorizasaun Sistema Judisial (JSMP) iha 2, Asistensia Legal ba Feto no Labarik (ALFELA) iha 11, hosi lier komunitaria ida (1), Madre, Professora no estudante, ospital, klinika Motael, Lanut, Jus, DJ, CNR, KBRI kazu iha ualu (8) Midia no funsioariu publiku, LELY, kolega no taxi iha rua (2). Rede Feto, Caucus, ALola Yayasan Hak iha 18
Entretantu kazu hirak ne'e balun rejistu ona iha polisia hamutuk 57, iha Ministeriu Publiku hamutuk 11, iha Defensor publiku hamutuk 2, iha Tribunal ka final hamutuk 4, halo konsultasaun ka trata dokumentu hamutuk 21, familia rezolve hamutuk kazu 3, vitima lakohi prosesu kazu ka laiha informasaun hamutuk 15 no kazu husu prosesu ka kazu seidauk rejistu ba PNTL, Ministeriu Publiku no Defensor Publiku hamutuk 23.
