Tipu kazu violensia domestika mak hanesan, kazu violensia domestika ba ema bo’ot hamutuk 109, kazu violensia domestika ba labarik neen (6), kazu abandona husi laen 78, kazu abandona husi namora ne’e hamutuk 17, violasaun seksual ba ema bo’ot 13, violasaun seksual ba labarik 13, abuzu seksual ba labarik 20, insestu iha 10, violensia publiku ba labarik iha hat (4), violensia publiku ba ema bo’ot 12, ameasa atu oho ne’e hat (4), kazu hadau malu oan iha rua (2), infansidu iha hat (4) no mos estraga sasan iha rua (2).

“Total kazu ne’ebé ha’u dehan ona hamutuk 304 no vitima sira ne’ebé hahu rezistradu vitima ne’ebé asesu ba ita nia uma mahon Fokupers iha Dili ne’e hamutuk 66, vitima ne’ebé asesu ba uma mahon Maria Tapo ne’e iha 56 no vitima ne’ebé asesu ba uma tranzitoriu suai ne’e hamutuk 59 no mos vitima ne’ebé asesu ba uma entrada hamutuk 71,”dehan nia iha knaar fatin Fokupers ba online INDEPENDENTE,Farol (07/01).

Aliende vitima sira ne’ebé hela iha uma mahon, familia mós mai hela hamutuk. Tanba ne'e tuir nia dehan familia ne’ebé hela iha uma mahon Dili hamutuk 37, familia ne’ebé hela iha uma mahon Maria Tapo ne’e hamutuk 74 no familia ne’ebé hela iha uma tranzitoriu ne’e hamutuk 103 no mos familia ne’ebé hela iha uma entrada ne’e hamutuk 34.

“Vitima sira ne’e hela iha ita nia uma mahon sira hetan alozamentu no akomodasaun gratuita, tanba ita hetan apoiu husi MSSI,The Asia Foundation liu husi Governu Australia no apoiu mos husi Mijerior no mos Dameis Foundation ne’ebé kontribui ba iha alozamentu no akomodasaun ba iha vitima sira,”nia informa

Entretantu, Fokupers mos halo tratamentu saude ba vitima sira ne’ebé hela iha uma mahon bainhira nesesita no fokupers halo tramentu saude ba vitima sira iha uma mahon dili hamutuk 47, ba familia ka labarik ne’ebé hetan tratamentu iha 13, bebe iha nain 7 maibe nain 1 fila hikas (mate) tanba moris ho kondisaun ne’ebé grave.

Nia akresenta, iha uma mahon Maria Tapo fokupers halo tratamentu ba feto no labarik sira ne’ebé mai. Vitima iha 20 no bebe iha na’in lima (5). Iha uma entrada fokupers mos halo tratamentu saude ba vitima hamutuk 22 no labarik hamutuk na’in 10.

Fokupers halo akompañamentu lori vitima sira ne’ebé moras ba halo tratamentu iha Hospital Nasional Guidu Valadares (HNGV) no lori ba iha sentru saude sira no mos bazeia ba rekomendasaun ba doutor balun karik atu halo konsulta ba klinika privadu sira.