2018 Orsamentu Fundu Mina-Rai Biliaun $16.85 TL Lakon Valór Tokon $91.50 Featured

By Ligia Noronha Maiu 09, 2018 1428
Dollar Amerika Dollar Amerika

DILI: Tuir relatóriu trimestrál ne’ebé fó sai husi Banku Central Timor Leste (BCTL), iha tinan 2018 hahú husi fulan Janeiru too mai Abríl orsamentu ba fundu mina-rai nian hamutuk biliaun $16.85. Kompara ho trimestre dahuluk biliaun $16.80, Timor Leste hetan valór negativa ka tuun tokon $91.50.

Vise-Governadór BCTL, Venâncio Alves Maria hatete, iha trimestre ne’e hatudu katak, kapitál ba fundu mina rai nian mak biliaun $16.85 no osan husi royalty no taxa sira ne’ebé tama iha fulan tolu primeiru 2018 hamutuk tokon $138.65 no osan líkidu sai husu fundu durante trimestre ida ne’e tokon $64.44 ne’e kobre de'it kustu jestaun nian.

Tuir nia, ne’e laiha transferénsia orsamentu Estadu durante trimestrál no hasai kustu reseita líkidu ne'ebé simu durante ne’e tokon $134.01, ba ninia rendimentu karteira ho ninia referénsia rasik mak lakon negativa -0.47% kompara ho ninia referénsia negativa -0.68%.

“Trimestre ne’e ita lakon nia valór ne’e tuun negativa tokon -$91.15, maibé kompara ho tinan kotuk ne’e di’ak liu iha fundu petrolíferu nian no tinan kotuk ita hetan retornu biliaun 1.6 tanba merkadu finanseiru ne’e nian tun-sa'e ita labele espera,” dehan nia, iha nia knaar fatin, Akait-Dili, horisehik.

Trimestre primeiru komesa tun fali ona tokon -$.91.15 ida ne’e kontribui makaas liu mak husi evolusaun merkadu ninia, valór merkadu tun-sa'e kauza evolusaun merkadu ne’e mak negativa tokon -$243.12 ida ne’e kauza husi polítika taxa jurus komesa sa'e fali ona iha Amérika, entaun presu ne’e tun.

Iha fatin hanesan, Diretór Ezekutivu La'o Hamutuk, Juvinal Dias, husu ba parte governu atu bele iha hanoin ida ne’ebé di’ak liu ba ida ne’e, tanba rekursu ne’ebé Timor agora iha mak fundu petrolíferu.

“Maski polítiku sira sempre optizmu iha buat barak, maibé ita mós agradese tanba ho impase polítiku ida ne’e ita nia gastu ba tinan ida ne'e nia menus”, tenik nia.

 

Rate this item
(0 votes)
Last modified on Kuarta, 09 Maiu 2018 18:47

Independente Digital TV