"Dia 19 sei mai substitutu ida husi Vatikanu Arsebispu Peniapara ida sei mai halo inagurasaun ba Nunsiatura iha loron ida sei halo seminariu internasional ida ba simpozimu internasional ida kona-ba fratenidade umanu," dehan nia, iha Aeroportu Internasional Prezidente Nicolau Lobato, horisehik.
Nia dehan, ne'e sei hala’o iha Universidade Katolika, aumezmu tempu sei iha lansamentu ba fraternidade umanu iha Timor-Leste, ne'e hanesan pasu konkretu ne'ebé halo dadaun.
"Sei duvida sira ne'e hotu fó hanesan ita-nia afirma dala ida tan Amu Papa nia domin hatudu mai ita katak timoroan la'os ibun de'it maibe ita mós hatudu jestu konkretu oinsá kolabora hodi implementa dokumentu sira ne'ebé Amu Papa fó mai ita," tenik nia.
Iha sorin seluk, Tenente Jeneral reformadu, Leren Anan Timur hatete, fraternidade umanu Timor-Leste iha ne'e laiha diskriminasaun iha relijiaun nia laran.
"Fraternidade umana Timor-Leste hatudu katak ita iha ne'e laiha diskriminasaun iha rejiaun nia-laran, musulmanu ka protestante ita mesak timoroan, ida-idak iha ninia fiar," dehan nia.
Timor la'ós ko’alia de'it, maibé hatudu iha prátika, entaun ida ne'e mak importante liu, ne'e mak hanesan dehan marka diferensa iha ASEAN nia laran ne'e hatudu duni.
