11 Novemmbru: Positivu Foun iha Na’in Rua

By Saturnina da Costa Novembru 11, 2021 280
Teste PCR hatudu rejultadu positivu Covid-19. Foto:INDEPENDENTE. Teste PCR hatudu rejultadu positivu Covid-19. Foto:INDEPENDENTE.

DILI: Sala Situasaun Sentru Integradu Jestaun Krize (SIJK) ohin (11/11) relata, ekipa konjunta saúde rejista tan kazu positivu foun Covid-19 iha na’in rua (2).

Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, hatete, taxa positividade iha pursentu 1,4 (1,4%) no total kazu rekuperadu iha na’in 2. Ema ne’ebé hala’o tratamentu ospitalizadu iha nain 2 ba kazu leve.

Nune’e, munisipiu 10 ho RAEOA la iha ona kazu ativu no munisipiu 2 seluk sei iha kazu esporádiku.

Kobertura vasina kompletu ka doze 2 iha Timor-Leste tomak, foin atinji 51,4%.

Ho nune’e, kazu ativu ne’ebé iha Izolamentu sa’e ba na’in 13.

Totál komulativu kazu konfirmadu sura husi loron 21 fulan-Marsu tinan 2020 to’o 11 Novembru 2021 hamutuk 19.809. Total Óbitu iha Timor-Leste hamutuk na’in 122.

Entretantu, husi horiseik (10/11) mai ohin teste PCR ne'ebé Laboratóriu Nasionál Saúde halo hamutuk 35, kompostu husi, random Screening na’in 21, viájen internasionál na’in 11 no follow up iha kuarentena na’in 13.

Aleinde, teste PCR ne’ebé halo horiseik iha Munisípiu sira seluk, RAEOA no HNGV hamutuk 107.

Atu bele hatene surtu ida ninia evolusaun, nomós surtu ne’e aumenta ka diminui, indikador ida ne’ebé matenek-nain epidemiolójia nian uza, maka insidénsia.

Konvensionalmente insidénsia sukat totál kazu foun kada loron pur 100mil abitante no hatudu risku ne’ebé populasaun iha atu hetan da’et moras ida.

Tanba ne’e, SIJK informa ba  populasaun iha Timor-Leste laran tomak, maske simu ona vasina, favor respeita nafatin regra prevensaun no ijiéne individual, ne’ebé Governu hatuur ona, atu prevene moras Covid-19 da’et ba mai.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30