05 Outubru: Positivu Foun Covid-19 iha Na’in 17, Mate Ida

By Outubru 05, 2021 413
Covid-19. Foto:Dok. Covid-19. Foto:Dok.

DILI: Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu positivu foun Covid-19 hamutuk na’in 17 no ema ne’ebé iha na’in ida (1).

“Husi kazu detetadu 17 ne’e, iha Dili kazu 10, Bobonaro kazu 2 no RAEOA iha kazu 4,”dehan nia iha komunikadu ne’ebé Online INDEPENDENTE asesu, tersa ne’e (05/10).

Rui esplika, husi kazu detetadu ne’e, iha kazu 9 ka 52,9% mak hatudu sintomas no kazu 8 ka 47% simu ona vasina doze kompletu.

Nune’e, kazu rekuperadu iha na’in 125 no kazu ativu ne’ebé baixa hela iha Izolamentu hamutuk na’in 440.

Total komulativu kazu konfirmadu sura husi loron 21 fulan-Marsu tinan 2020 to’o loron 05 fulan-Outubru tinan 2021 hamutuk 19.609.

Enkuantu, ba kazu mate, Rui relata, sidadaun Timor-Oan mane ida ho idade 73, seidauk simu vasina. Diagnóstikadu Sindroma Insufisiénsia Respiratória Aguda (SIRA) tanba Covid-19 iha loron 17 fulan-Setembru tinan 2021.

Nune’e, iha loron ne’e kedas hala’o tratamentu iha Izolamentu Lahane.

Aleinde, pasiente mós iha problema diabetes ho ipertensaun no hakotu iss iha tuku 11:40, loron 05 fulan-Outubru 2021.

“Familia kolabora ona ho ekipa saúde, hodi hala’o funeral tuir protokolu ne’ebé adopta iha Timor-Leste,”tenik nia.

Entretantu, tuir dadus husi SIJK, total ema ne’ebé ho Covid-19 iha Timor-Leste hamutuk na’in 119.

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV