Enkuantu, traballadór na’in 45 ne’e kompostu husi mane na’in 40 no feto na’in lima (5).

Aliened, iha mós traballadór re-entry na’in lima (5), ne’ebé sei deskloka ba Korea iha loron hanesan.

Sekretariu Estadu Formasaun Profisionál no Empregu, Rogério de Aroújo Mendonça, hato’o parabens ba taballador na’in 45 ho nia família sira hotu, tanba ho inan-aman sira nia dedikasaun no eduksaun ohin loron oan sira hetan susesu hodi ba servisu iha Korea.

Iha biban ne’e, Governante mós husu ba traballador sira labele sai husi sistema ne’ebé iha akordu entre estadu Timor ho estadu Korea. 

“Ba traballadór sira ne’ebé atu aranka ba servisu, diak liu kumpri lei ne’ebé estadu rua ne'e iha,” dehan nia iha Salaun Timor-Logde, Komoro, sesta (01/09).

Nune’e mos, Sekretáriu Estadu mós husu ba tralhador sira ne’ebé tuir organizasaun arte marsiais no arte rituais, bainhira atu ba servisu iha rai liur labele lori atributu arte marsiais nian.

“Tanba imi sira ne’ebé atu ba servisu ne’e mesak Timoroan hotu, la iha Munisipiu A no B no tenki ajuda malu karik balun moras, ne’e komprimisiu ita boot sira nian, sapeo, kamizola no bandeira RDTL ne’ebé imi lori ne’e hatete katak imi ida deit,” Sekretariu Estadu hatoo.

Nia dehan, nasaun no familia nia esperansa mak traballadór sira, ba servisu atu hadia ekonomia uma familia no hasa’e kresementu ekonomia iha rai-laran, tan ne’e ba sira ne’ebé atu ba servisu tenki kuidadu an no husu ba familia tenki halos kultura.

Iha fatin hanesan, Reprezentante Embaixadór Korea iha TL, Yang, husu ba traballadór sira ne’ebé atu ba servisu iha Korea sul labele sai husi sistema, tenki kumpre regulamentu kompañia sira nian.

“Ba timoroan  sira neebé mak atu ba servisu iha korea sul labele sai ilegál iha ne’eba, osan ne’ebé imi hetan labele gasta hotu iha Korea no labele halo problema, tanba kultura nasaun rua ne’e lahanesan,” dehan Yang.

Entertantu, Traballadór Lorena Sinaga Babo Araújo senti kontente ho oportunidade ne’ebé nia hetan hodi bele ba servisu iha Korea.

Enkuantu, antes atu desloka ba Korea Súl, traballadór ne’e mós mehi ona no planu katak, osan ne’ebé nia hetan iha Korea Súl, sei loke negosiu hodi fó servisu ba nia maluk sira.

“Hau nia planu, bainhira osan ne’ebé hau hetan, ha’u sei loke fila-fali negosiu ida hodi ajuda fila-fali ema sira ne’ebé buka servisu, no bele ba servisu iha negosiu ne’ebé ha’u halo,” nia hakotu.