SPTL  konsidera ida ne’e hanesan problema boot ne’ebé presiza tau atensaun tanba labarik sira ne’e maka futuru nasaun nian.

SPTL  husu ba governu atu  tau atensaun ba kestaun nee tanba kestaun sériu ne’ebé  ema barak ladún preokupa, enkuantu labarik sira ne’e lakon sira nia futuru.

Prezidente SPTL Francisco da Costa Fernandes husu ba  Ministériu Edukasuan (ME)  atu aplika  sistema rigorozu hanesan edukasaun obrigatoriu hodi fo prioridade ba labarik hotu no labele putus eskola.

Alende nee SPTL  mos observa katak, iha estudante balun mos lorloron barak sei pasiar no lao halimar hela iha jardin sira kapital Dili hanesan  Largo Lesidere, Jardin 5 de Maiu no sleuk tan.

Nia husu ba inan aman no profesor sira atu tau mos atensaun ba labarik sira no kontrola sira hodi ativu iha eskola. Francisco dehan lia hirak nee ba jornalista  iha Salaun ME Vila Verde (30/03).