Ministra Solidariedade Sosiál no Inkluzaun (MSSI), Armanda Berta dos Santos hateten, Estadu sei deve rejime kontribuitivu ba seguransa sosiál ho montante tokon $4.9. Bainhira lei ne’e seidauk implementa Governu kontinua deve nafatin rejime ne’e.
Ne’e duni, Governu sei esforsu tinan ne’e tenke implementa rejime kontribuitivu ba seguransa sosiál, ne’ebé sei hakdasak hela tanba empregadór sira husi instituisaun Estadu no privadu barak mak implementa, maibé Governu seidauk halo kazu ruma.
Nia esplika, Governu apoia subsídiu ba rejime kontributivu seguransa sosiál kada empregadór 4%. Ne’e duni, MSSI propoin tokon $4,9 ba rejime kontributivu.
Tanba ne’e, MSSI promete katak iha Setembru tinan ne’e esforsu-aan hodi implementa ona rejime kontributivu ba empregadór sira tantu instituisaun privadu no Estadu iha territóriu Timor laran tomak.
