LIKISÁ: Governu Timor-Leste hakarak atu harii Uma Timor (Casa de Timor) iha Portugál hodi apoiu estudante sira iha ne’ebá. Ne’e duni, liu husi reuniaun ho delegasaun Portugál, Ministériu Edukasaun hato'o ona pedidu atu bele realiza planu ne’e.

DILI: Ministériu Saúde (MS) fó atensaun ba públiku atu kuidadu bainhira hili bee galong ne’ebé iha kualidade atu bele konsumu. Rezultadu teste laboratóriu hatudu iha bee galong balun la saudavel tuir padraun Ministériu Saúde nian.

DILI: Bispu Dioseze Maliana, Don Norberto do Amaral seidauk bele evakua ba Singapura hodi kontinua tratamentu saúde, tanba doutór sira sei feriadu.

Diretór Klínika HNGV, Flávio Brandão hateten, tuir loloos Amu Bispu Norberto tenke arranka ona ba Singapura iha Tersa (31/1), maibé seidauk bele tanba maioria doutór sira sei feriadu ba tinan tinan foun xineza nian.

“Ospitál ne'ebé simu ita nia Bispu, médiku sira feriadu tanba sira nia loron feriadu Anu Povu Xina nian,”dehan nia, iha ninia servisu, HNGV-Bidau, horisehik.

Brandão dehan, medika sira iha ospitál Singapura sei ativa hikas fali iha semana ne’e nia laran. Ne’e duni, posivel bele haruka Bispu Norberto ba iha semana ne’e.

Maibé, iha posibilidade Amu Bispu bele halo tratamentu saúde iha ospitál Malázia. Nasaun rua ne’e bele hotu no depende ba fatin ne'ebé mamuk no ospitál ne'ebé responde uluk pedidu. Tanba fatin rua ne’e iha koneksaun ho Ministériu Saúde.

Kondisaun saúde Amu Bispu normál, maibé ba halo kontinuasaun prosedura diagnostika iha ospitál Singapura Nasionál Mahkam.

Antes ne’e, Bispu Dioseze Don Norberto baixa iha HNGV besik semana ida, tanba kondisaun fíziku kolen. Ne’e duni, semana ne’e Bispu sei kontinua halo tratamentu saúde prosedura diagnostika iha Singapura. 

DILI: Governu liuhusi Ministériu Saúde (MS) identifika kazu moras denge iha tertoriu Timor no rejista ona hamutuk 107.