Eis Prezidente Repúblika José Ramos Horta hateten, atu realiza Tour Timor presiza buka parseria no apoiu husi fatin oi-oin hodi nune’e labele fó todan ba governu.
“Iha Sesta lu bah au hasoru Primeiru Ministru Rui Maria de Araujo, fó breafing ba nia, konaba preparativu ba Tour Timor”, dehan Horta ba jornalista sira iha Timor Lot Komoro Dili, horisehik.
Iha enkontru nee Sekretariu Estadu Juventude Desportu mós marka prezensa, reprezentante Ministeriu Turismu maka la marka prezensa, halo parseria no kolaborasaun di’ak entre ekipa ne’ebé Horta kaer hanesan Tour Timor, Dili Internasionál Maratona.
Iha mos inisiativa seluk ne’ebe sei halo, para tau fila fali Timor nia naran iha mapa turismu iha Mundu tanba turismu fraku loos.
Horta hakarak atu timor nia ekonomia la’o ba oin, mais ita hateten labele depende ba mina, setór importante mak turismu, entaun tenke halo marketing makaas iha liur, atraves liu husi Tour Timor, Maratona no buat selu-seluk.
Air North konfirma fó tan sira nia apoiu refere ho ekipamentu hanesan, bilete viazen, tula ema nia besikleta to’o rihun 25. Ne’e duni la’ós osan maibé transporte ekipamentus no buat selu-seluk.
Horta mós hetan ona konfirmasaun husi grupu bo’ot ida husi Singapura, Sirya ne’ebé nia husu ba sira, para sira sponsor timoroan sira.
Tanba sira ne’ebé mai husi liur ema ne’ebé iha osan, sira saúde di’ak, sira nia vida tomak han di’ak, besikleta di’ak no treinu di’ak.
Konaba ita nia difikuldade, Horta husu ba sira para fó ekipamentu ne’ebé kompleitu, husi besikleta to’o lubas, sepatu, meas, kapaseti no oklu, inklui mós programa ida kona ba hahan.
Iha fulan primeiru halo medical check, se ida rua hetan moras tenke hetan tratamentu.
Nia dehan ekipa halo ida ne’e para fó alimentasaun ne’ebé di’ak, iha fulan lubuk ida nia laran, portantu ne’e mós hetan garantia ona, mais la’ós hot-hotu tama, halo federasaun mak organiza, hetan rezultadu di’ak husi musipiu mak mai tama iha nasionál.
Horta iha esperansa katak, Tour Timor ne’ebe se halao iha fulan Setembru mai ne’e iha rezultadu bo’ot no di’ak no iha fulan Outubru Maratona Internasionál mós bele hetan rezultadu di’ak.
Horta mos kontaktu daudaun ona sponsor husi rai seluk, hanesan Amerika no Dubai, sira prontu atu fó apoiu, ne’e duni nia konfia, hare ba eleisaun mai agora Prezidente Repúblika foun simu tomada pose iha fulan Maiu, Governu fun mai, Parlamentu Nasionál hahú iha fulan Agustu, Setembru hahú Tour Timor, Maratona no atividade seluk tan.
Nunee mos iha fulan Novembru prepara peskas desportiva, ekipa bo’ot mai halo ona survey. Tanba ne’e foin daudauk sira ba Kom halo estudu iha ne’ebá. Ne’e duni sira halo mós konkursu internasionál tau fotografia luku nian.
Horta sei ba ba Singapura iha fulan Abril halo konferensia bo’ot iha ne’ebá, ema rihun ba rihun partisipa, nia hanesan konvidadu onradu husi Asia nian, para promove diving iha Timor-Leste, tantu nia kaer inisiativa barak, para tau Timor nia mapa marketing turismu, marketing ekonomia fó oportunidade ba joven paratisipa iha atividade hirak ne’e.
Iha fatin hanesan, Prezidente Federasaun Siklismu Timor-Leste (FSTL), Angelo Henrique hatete, parte federasaun siklismu agradese ba kompañia Air North.
“Ha’u kongratula Sr. José Ramos Horta ne’ebé iha inisitiva bo’ot para atu hala’o atividade Tour Timor , tanba atu hala’o atividade bo’ot hanesan ne’e la’ós fasil, mais ne’e servisu bo’ot ida, ne’ebé federasaun fó apoiu total ba atividade nee. Ami sei servisu hamutuk, kona ba sponsor ne’e pasu di’ak ida, tanba ita nia maluk sira husi rai liur ne’e hakarak mai partisipa barak liu tan”, dehan Henrique.
Henrique sujere ba emprezariu timoroan sira presiza hakbesik para bele fó ideia tanba ne’e hanesan mós kontribuisaun bo’ot id aba dezenvolvimentu nasaun.
