Domingu, 19 Maiu 2019 | Login
PD kampanha iha Laga PD kampanha iha Laga

Partido Demokratiku Kompromete Konstrui Portu Laga Featured

LAGA: Partidu Demokratiku PD kompromete sei konstrui portu laga hodi fasilita komersiante sira husi Baukau tomak atu bele hatama sasan negosiu nian.

Tuir Presidente Partidu Demokratiku PD Mariano Assanami Sabino hatete, Baucau hanesan kapital daruak  iha Timor ho populasaun ne’ebé bo’ot geografikamente luan tebes.

Iha Baucau povu maioria negosiante presija transporte maritime hodi transporta sasan negosiu nian husi Baukau ba Dili no husi Dili mai Baukau hodi halo negosiu.

“Baukau maioria negosiante tanba ne’e ita sei hadia portu Laga atu nune’e sira bele lori nia sasan liu husi maritima hodi hatun iha portu hodi halo negosiu” Dehan Assanami horseik iha Laga.

Alende ne’e Baukau mos iha potensia tebes ba setor agrikultura tanba ne’e presija mos produtu loka sira ne’e ba iha merkadu nasional, munisipal no rejional hodi halo komersiu tanba ne’e ita presija hadia portu Laga nian.

Assanami hatutan, atu dezenvolve setór ekonomia presija investe makaas iha transporte terestre, Aero no martima hodi fasilita setór públiku no privadu sira transporta nia sasan ba merkadu ida ne’e sei fó vantajen boot ba povu hotu.

Tanba ne’e husu ba povu Baukau liu liu iha postu laga atu bele vota ba Partidu Demokratiku iha loron 12 maiu oin mai.  

    

Read 294 times
Rate this item
(0 votes)