Domingu, 31 Maiu 2020 | Login
Ilustrasaun foto: Bebe isin manas. Foto Google Ilustrasaun foto: Bebe isin manas. Foto Google

Vizita Xina Fulan Neen Izola Liubá, HNGV Izola Bebé Ida Featured

DILI: Ospitál Nasionál Guido Valadares (HNGV) izola bebé ida ho idade tinan neen (6). Labarik ne’e fila husi Xina iha fulan neen (6) liubá, maibé agora daudaun iha sintoma isin manas.

“Labarik ne’e halo viajen ba Xina iha fulan neen liubá, maibé tanba nia isin manas, entaun pesoál saúde deside tau iha sala izolamentu atu kontrola”, dehan Xefe Gabinete Kontrolu Kualidade no Komunikasaun Sosiál, Sara Maria Xavier, iha HNGV, Bidau, horisehik.

Sintoma sira ne’ebé hetan sai preokupasaun, entaun pesoál saúde sira halo observasaun sintoma sira seluk iha hela sala izolamentu.

Iha observasaun maka la hetan sintoma sira seluk maka, ohin, Tersa (4/2), labarik ne’e bele sai ona husi sala izolamentu. Nia mós hateten katak HNGV prepara rekursu umanu ekipamentu atu simu suspeitu kazu virus Corona no mós pesoál saúde sira prontu atu atende pasiente sira.

Read 954 times
Rate this item
(0 votes)