Tersa, 12 Novembru 2019 | Login
PM Taur Matan Ruak PM Taur Matan Ruak

PM Taur La Fiar Setór Produtivu Finansia Estadu Featured

DILI: Relasiona ho entidade sira nia preokupasaun kona-ba OJE 2019 ne’e ba setór krusiál tolu edukasaun, saúde ho agrikultura ne’e mínimu iha aloksaun orsamentu, Primeiru Ministru, Taur Matan Ruak, setór hirak ne’e atu finansia Estadu.

Nia dehan, bainhira sei sai Prezidente Repúblika, Taur mós ko’alia maka’as kona-ba ne’e, maibé iha orsamentu tinan ne’e tau orsamentu boot liu tokon $650 ba indústria petrolífera ne’e atu ajuda asegura kontinuasaun estensaun fundu petrolíferu rasik.

Ha’u la fiar katak ita nia agrikultura mak sei lori osan mai atu finansia atividade Estadu nia iha tinan hira tuir mai, tanba risku, tinan-tinan ita gasta no fundu ida ne’e sedu ka tarde tenke hotu”, dehan nia, iha Palásiu Prezidensiál, Bairru-Pité Dili, horisehik.

Xefe Governu hatutan, osan tenke mai husi indústria petrolífera, kafé mós sei la fó ba TL osan enkuantu agora kafé tama ba terseiru lugar.

Nia hatutan área importante sira maka presiza investe edukasaun, saúde, agrikultura ne’e buat ne’ebé sempre nafatin, maibé atu sustenta ne’e tenke osan, ne’ebé mai husi Bayun Undan no agora ba oin tenke mai husi Greater Sunrise.

Primeiru Ministru hateten, hein desizaun Prezidente Repúblika kona-ba OJE tinan fiskál 2019 nian, tanba opiniaun ne’e hotu-hotu bele iha, maibé últimu desizaun husi Xefe Estadu.

Prazu ba Prezidente Repúblika seidauk hotu, tanba ne’e espekulasaun iha li'ur ne’e opiniaun normál tanba jurista sira nunka nia interpretasaun hanesan”, dehan nia.

Ne’e duni, labele espekula buat ne’ebé seidauk sai, tanba ne’e hein to’o tama ona mak foin halo komentáriu.

Read 105 times
Rate this item
(0 votes)
MidAd1