Kinta, 28 Maiu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-05-27&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Abitante Timor-oan iha Tibar ne'ebe atu sai husi kuerantina rona hela naran atu simu sertifikadu, iha karantina Tibar. Foto Jasinto Xavier/INDEPENDENTE Abitante Timor-oan iha Tibar ne'ebe atu sai husi kuerantina rona hela naran atu simu sertifikadu, iha karantina Tibar. Foto Jasinto Xavier/INDEPENDENTE

Timor-oan 52 Sai Husi Kuarentena iha Tibar-INAP Featured

DILI: Timor-oan na’in 52 sai ona husi kuarantina iha Tibar no INAP, tanba remata ona sira nia periodu inkubasaun loron 14.

Timor-oan hirak ne’e mai husi nasaun afeitadu Covid-19, Australia no Indonezia, iha loron 25 fulan-Marsu tinan 2020.

Portavoz Sentru Integradu Jestaun Krize (SIJK), Odete da Silva Viegas esplika, sidadaun sira iha kuarentena Tibar no INAP hahú husi loron 25 fulan-Marsu no kuarta horsehik (9/4) kompleta ona loron 14.

Tanba ne’e, kinta ohin (9/4) ofisialmente husik sira integra aan hikas ba sosiedade.

Abitante iha kuarentena Tibar hamutuk ema na’in 25, kompostu husi feto na’in neen, no mane na’in 19. Iha INAP hamutuk na’in 27, kompostu husi feto na’in 10, mane na’in 17.

“Sira ne’ebé ohin sai, ha’u husu nafatin atu kontinua kumpri medida preventiva hanesan, fase liman, distansia sosiál no fijiku, karik mosu sintomas bele kontaktu ba númeru 119,”dehan nia, iha Tibar, ohin (9/4).

Odete husu ba inan-aman no sosiedade tomak atu kontinua tau matan ba sira, labele diskrimina sira, tanba tama kuarentena ne’e laos sira hetan ona moras surtu coronavirus, maibé ne’e atu halo akompanamentu, bainhira laiha sintomas ruma sira bele ba uma.

Iha fatin hanesan Beni Gaspar ne’ebé kuarentena iha Tibar agradese ba governu liu-liu Ministériu Saúde ne’ebé durante ne’e akompaña ona sira.

“Ami agradese ba governu maiske ho situasaun defisil, maibé akompana to’o ami sai ho saúdavel,” dehan nia.

Beni dehan, durante iha kuarentena laran, pesoal saúde sira sempre esplika oinsá atu prevene Covid-19, tanba ne’e bainhira sai sei kontinua koolabora ho governu hodi halo prevesaun ba moras ne’e atu labele tama iha Timor.

Read 465 times Last modified on Kinta, 09 Abril 2020 14:14
Rate this item
(0 votes)