Domingu, 26 Maiu 2019 | Login
Ilustrasaun vitima insestu. FOTO: kompas.com Ilustrasaun vitima insestu. FOTO: kompas.com

Vítima Insestu Susar Re-integra ba Sosiedade Featured

DILI: Diretora Ezekutivu Uma Mahon Casa Vida, Suzana Ximenes, dehan, susar tebes atu re-integra hikas labarik Vítima husi violasaun seksuál entre membru família (insestu) ba sosiedade tanba trauma.

Uma hakmatek Casa Vida hahú eziste iha tinan 2018  too ohin, konsege atende ona labarik ho idade 0-15  Vítima ba kazu insestu no abuzu seksuál kuaze 300.

Husi kazu hirak ne’e, Casa Vida rejista kazu insestu aas liu ho porsentu 50, maioria ba feto ho idade 12 too 16.

Kazu insestu aas  tebes tanba komete husi aman, tiun no avo rasik ne’ebé sei iha relasaun raan,” dehan nia iha Lesidere-Dili,horisehik.

Nia dehan, iha tipu kazu abanonadu, abuzu fíziku  no doméstika ba feto sira ho idade 15 to’o 21.

Maski, nia dehan, iha tinan  2018, konsege re-integra Vítima insestu ba família  na’in 30,maibé Vítima balun halai fila tanba sei trauma.

Iha tinan 2019, Casa vida konsege simu tan Vítima insestu na’in sanulu.

Ami re-integra Vítima sira ba nia família, maibé kontinua halo asisténsia  haree too Vítima sira iha kondisaun seguru,” dehan nia

Nia dehan, iha ekipa ida kontinua akompaña labarik sira nia kazu too hetan desizaun husi Tribunál.

Nia informa, casa vida mós rejistu kazu abuzu seksuál husi profesór no autoridade lokál.

Casa vida konsege rekupera ona Vítima abuzu seksuál 200 hodi re –integra ba nia família no Vítima balun sai staff iha uma mahon iha área kafeteira no artezanatu.

Nia observa daudaun ne’e MP no Tribunál hahú prosesa lalais ona kazu abuzu seksuál no insestu.

Iha fatin hanesan, Adjuntu Prokuradór Jerál Repúblika, Afonso Lopes, hateten MP sei tau atensaun makaas ba Vítima kazu abuzu seksuál no insestu ne’ebé envolve direita nia família rasik.

Nia dehan, kazu insestu no abuzu seksuál, MP lori arguidu balun ba iha prizaun.

PJR mós planu ona atu harii gabinete ida atu toma konta violénsia bazeia ba jéneru.

Read 1248 times
Rate this item
(1 Vote)