Kinta, 27 Juñu 2019 | Login
Eis Prezidente Parlamentu Nasionál (PN), Vicente Guterres. FOTO: Doc Eis Prezidente Parlamentu Nasionál (PN), Vicente Guterres. FOTO: Doc

Vicente Guterres Hein Karta Notifikasaun Husi Tribunál Featured

DILI: Eis Prezidente Parlamentu Nasionál (PN) Vicente Guterres hein hela karta notifikasaun husi Tribunál Distritál Dili (TDD) tanba agora daudaun  hanesan eis  titulár.

Xefe bankada partidu CNRT, Duarte Nunes, hateten uluk Vicente sei hanesan Prezidente Parlamentu Nasionál, tribunál haruka karta notifikasaun atu hasai imunidade,  maibé agora daudaun nia hanesan eis titular.

Nia dehan agora daudaun Vicente hein karta notifikasaun husi tribunál maibé to’o agora tribunál seidauk haruka.

“Vicente rasik mos fó hatene ha’u katak, nia rasik hakarak koopera ho tribunal, maibé Tribunál mak la haruka karta,” dehan Duarte ba jornalista iha Parlamentu Nasional, horisehik.

Molok ne’e, Juiza Titulár  Jumiati Freitas ba kazu Vicente Guterres, eis Prezidente Parlamentu Nasionál,  dehan Tribunál kontinua hein karta klarifikasaun hosi Parlamentu Nasionál ba kazu eis Prezidente Parlamentu Nasionál Vicente Guterres.

Prosesu julgamentu ba arguidu Vicente Guterres pendente, tanba tribunál kontinua hein klarifikasaun pozisaun arguidu nian iha Parlamentu Nasionál (PN).

Juiza titulár Jumiati Freitas ba kazu Vicente Guterres, eis PN afirma  molok ne’e, tribunál haruka ona karta ofisiál ida ba Parlamentu Nasionál iha tinan kotuk, maibé parlamentu seidauk fó resposta.

Razaun tribunál husu klarifikasaun no bainhira iha ona resposta maka tribunál bele haruka notifikasaun direita ba arguidu hodi responsabiliza ba nia kazu.

“Tribunál haruka ona karta ofisiál ida ba Parlamentu Nasionál, husu atu klarifika arguidu nia pozisaun loloos oras ne’e nu'udar saida? Nune’e tribunál hatene loloos, mak foin halo notifikasaun direita ba arguidu para bele prosesa ona ba nia kazu,” dehan juiza ne’e .

Juiza titulár ne’e esplika iha informasaun katak loos duni arguidu ne’e la’ós ona deputadu iha parlamentu nasionál. Tanba ne’e tribunál husu atu parlamentu responde, nune’e tribunál bele iha koñesimentu legál katak, loos duni arguidu la'ós ona sai membru parlamentu.

Tuir nia, karta ne’e haruka ona iha fulan hira ba kotuk tuir prazu loron 20 too loron 30 nia laran, atu parlamentu fó resposta hosi karta ne’ebé maka tribunál husu.

Entretantu kona ba asuntu , JSMP husu tribunál atu hatun despaxu hodi loke ona prosesu julgamentu ba eis Prezidente Parlamentu Nasionál, Vicente Guterres.

 Molok ne’e, Tribuna Distritál Dili (TDD) haruka ona karta notifikasaun ba Parlamentu Nasionál (PN) hodi hasai imunidade ba arguidu Vicente Guterres, maibé PN laiha resposta ba tribunál.

Tribunál liu husi Juiza Zumiaty Maria Freitas haruka ona karta notifikasaun ho númeru autus 1160 ba Parlamentu Nasionál hodi dirije ba Prezidente PN, momentu ne’e Vicente Guterres liu husi Sekretaria recebido PN nian iha loron 31 Janeiru 2015. Nune'e iha loron 11 fulan Fevereiru 2015, PN responde ba tribunál liu husi Vise Prezidente PN, momentu ne’e  Adriano do Nascimento katak nia laiha kompeténsia.

Read 1337 times
Rate this item
(0 votes)