Sexta, 15 Novembru 2019 | Login
Ilustrasaun oho ema. FOTO: Kompas.com Ilustrasaun oho ema. FOTO: Kompas.com

Tan Lin Xue Mate Besik Servisu Fatin Tuan Featured

DILI: Xineza Tan Lin Xue ne’ebé hetan oho husi ema deskoñesidu, iha Segunda (25/3) madrugada, mate besik ninia servisu fatin tuan, iha Aldeia Frecat, Suku Bairru-Pité, Postu Administrativu Don Aleixo, Dili,

Vítima antes ne’e servisu iha Klínika Xiao Hu, iha Bairru-Pité to’o fin-du-anu 2018, maibé iha inisiu tinan 2019 muda servisu fatin ba Klínika Bailing, iha Fatuhada.

Tuir informasaun husi sasin balun, antes vitima ne’e mate, nia sei envolve baku-malu ho ema deskonesidu balun ho motorizada iha fatin akontesimentu. Nune’e, autor sira ne’e uza material kro’at hodi sona kuak dala tolu iha vitima ninia kabun.

Vitima mós agora daudaun hela iha Aldeia Frecat, iha Klinika Xiao Hu oin. Ikus liu, komunidade aldeia ne’e sei haree vitima ne’e la’o ba-mai iha área ne’e.

Entretantu, Xefe Aldeia Frecat, Angelino dos Santos Maia hateten, vítima antes ne’e servisu iha Bairru-Pité nu’udar médiku espesialista moras kulit no moras laran, maibé la servisu ona iha Bairru-Pité agora servisu iha Klínika Bailing, Fatuhada.

Nune’e, jornalista diáriu ne’e tenta atu konfirma kazu ne’e ba Klínika Bailing, iha Fatuhada, maibé, iha Segunda (25/3), klínika ne’e la halo operasaun.

Entretantu, Segundu Komandante Polisia Nasionál Timor-Leste (PNTL) Munisípiu Dili, Superintendente Asistente Euclides Belo hateten, Polisia Nasionál Servisu Investigasaun Kriminál (PNSIK) Munisipál Dili rekolla ona informasaun balun husi fatin akontesimentu, nune’e vítima evakua ona ba Hospital Nasionál Guido Valadares (HNGV) hodi halo prosesu autópsia.

Ne’e duni, PNTL rasik seidauk hatene klaru kona-ba motivu akontesimentu omisida ne’e tanba prosesu investigasaun sei la'o hela.

 

PN Husu Buka Tuir Autór

Entretantu, Parlamentu Nasionál (PN) liu husi plenária husu ba PNTL atu monta ninia intelijénsia hodi buka tuir ema deskoñesidu ne’ebé oho sidadaun Xineza ne’e.

“Ema deskoñesidu oho xinés ida iha Bairru-Pité, tanba ne’e presiza polísia buka tu’ir autór sira ne’e”, dehan Deputadu Bankada KHUNTO, António Verdial, iha Uma Fukun PN, horisehik.

Autór ba kazu omisídiu ne’e dala ruma grupu organizadu, ne'ebé presiza tebes atu haree, tanba ne’e Ofisiál Polísia Suku (OPS) atu servisu makaas ba hamutuk ho komunidade hodi buka hatene.

Iha fatin hanesan Deputadu Bankada FRETILIN, David Dias Mandati hateten, seguransa iha rai laran importante tebes, tanba ohin loron governu nia polítika atu dada investidór sira mai, maibé mosu oho malu iha fatin-fatin ema sei ta'uk la mai.

“Ita atrai turista barak mai, maibé ita nia situasaun la’o la di'ak, área turizmu rasik sei mate”, dehan nia.

Nune’e, husu ba polísia atu kontinua la’o hodi mosu iha fatin-fatin labele mosu tiha problema mak foin ba halo atuasaun.

 

 

Read 3406 times
Rate this item
(0 votes)
MidAd1