Domingu, 08 Dezembru 2019 | Login
Estudante UNTL Kontra Lelaun PRADO tama sela Estudante UNTL Kontra Lelaun PRADO tama sela

Estudante Kontra Lelaun Prado Hetan TIR Featured

DILI: Estudante husi organizasaun Movimentu Universitáriu Timor-Leste (MUTL) na’in 13 ne’ebé polisia kaptura hafoin mosu insidente violénsia iha manifestasaun defende Prado PN ba Povu hetan Termu Identidade Rezidénsia (TIR) husi Tribunál Distritál Dili.

Tribunál deside hodi aplika pena TIR ba estudante sira ne’e hodi halo aprezentasaun periódika kada semana ba eskuadra Polisia ne’ebé kada arguidu ida hela besik ba.

Júlio da Silva, advogadu ba estudante sira ne’e hateten, arguidu sira ne’e konsidera nafatin bolu inosénsia tanba laiha faktu sira halo atu krime ruma.

Arguidu sira ne’e laiha prova ba atu de krime ne’ebé imputa ba sira ho krime rua hanesan Danu Agravadu ne’ebé previstu iha artigu 259 no Krime Obstrusaun autoridade Públiku iha artigu 243 Kódigu Penál.

Husi investigasaun ne’ebé halo la konklui krime rua ne’e. Hodi nune’e, Tribunál aplika pena TIR ba arguidu sira, Domingos Andrade, Miguel A. Moniz da Silva, Noe Bernardino Ximenes, Júlio César, Agripino Marçal Fernandes, Teofilhino Marques, Luis da Silva, Leonito Alves, Júlio Benevides, Agostinho Pinto, Jacinto no Mário da Silva.

“Kuandu laiha indísiu ida nia sei halo despaxu arkivamentu. Kuandu iha prova arguidu sira komete duni krime entaun Ministériu Públiku sei halo akuzasaun”, dehan Júlio, iha TDD, horisehik.

Iha primeiru interrogatóriu Tribunál halo inspesaun ba fatin akontesimentu juis kaer prosesu, konfunde ba distánsia ne’ebé polisia sira kaptura arguidu sira. Inspesaun ne’e Tribunál haree katak fatin akontesimentu ho distánsia dook husi Parlamentu Nasionál ka metru 159.

Iha audiénsia julgamentu ne’e prezide husi juis singulár Ana Paula, Ministériu Públiku reprezenta husi Prokuradór Bartolomeu de Araújo, arguidu sira hetan asisténsia legál husi advogadu Privadu, Alcino Soares Gomes, Júlio da Silva, Aquino Dias da Silva. 

Read 432 times
Rate this item
(0 votes)