Domingu, 21 Jullu 2019 | Login
Opozisaun Preokupa Mega Projetu Atinze 100%

Opozisaun Preokupa Mega Projetu Atinze 100% Featured

DILI: Komisaun C Parlamentu Nasionál hato’o ona sira-nia relatoriu kona-ba mega projetu Suai-Kovalima iha plenaria PN. Iha relatoriu refere, Komisaun ne’ebé tratau asuntu Ekonomia no Dezenvolvimentu ne’e hato’o katak mega projetu refere daudauk ne’e atinze ona porsentu 100.

Relatoriu ne’e hamosu preokupasaun husi bankada opozisaun sira tanba konsidera iha buat balun mak sei aat hela iha mega projetu ne’e.

Deputadu Bankada FRETILIN, Fabião de Oliveira hatete, relatoriu komisaun C ne’ebé hatete mega projetu Suai atinze ona porsentu 100 la konvense nian, ho razaun iha projetu ne’e rasik parte balun sei a’at hela.

“Ha’u la ejiji ba komisaun C maibé husu ba governu atu toma reponsabilidade atu hadia lalais, tanba auto-estrada ne’e iha parte balun nakfera tiha no agora monu ona, presizamente tenke hadia lalais. Ha’u husu ba komisaun C tenke rekomenda iha relatoriu ne’e”, deklara nia iha PN, Tersa (05/03).

Iha fatin hanesan, deputadu bankada PD, Adriano do Nasimento husu atu esplika didi’ak kona-ba mega projetu ne’ebé atinze ona 100%.

“Komisaun C bele esplika to’ok kona-ba aeroportu ne’ebé atinje ona porsentu 100 ne’e. parese kleur ha’u la ba Suai ne’e mak kompleta ona karik, ha’u mós la hatene”, dehan nia.

Deputadu ne’e dehan, nia aldeia besik loos ho aeroportu ne’ebé ho espasu balun atu ke’e hodi halo drainajen, maibe to’o agora seidauk remata tanba komunidade balun seidauk muda sai.

Ba kestaun ne’ebé deputadu opozisaun levanta, Prezidente Komisaun C, Maria Fernanda Lay hatete, governu halo duni estudu viabilidade maibé hafoin inaugura mak parte balun a’at fali tanba kualidade rai la hanesan, balun rai dodok no balun rai fatuk.

“Neduni governu sei halo fali dezain (redesign) hodi halo estudu fila fali kona-ba rai sira ne’e par hadia fali iha faze tuir mai,” informa Fernanda Lay.

Ba drainajen iha aeroportu, deputada husi bankada CNRT ne’e dehan ida ne’e loos duni tanba presiza realokasaun populasaun sira husi fatin ne’e hodi bele atinje projetu drainajen ho metru 350.

 

Read 1067 times
Rate this item
(0 votes)