Turista barak mak la hatene, London Bridge iha istoria no faktus uniku. Tuir mai faktus uniku balun London Bridge alias Tower Bridge ne’ebé sai hanesan landmark ida ba Sidade London ne’ebé jornal INDEPENDENTE asesu iha portal KompasTravel.
1. Ponte ida ne’e dezeña husi arsitek London ho naran Horace Jones ne’ebé halo kolaborasaun ho Wolfe Barry. Sira na’in rua manan liu husi kontestu dezeñu. Iha altura ne’eba konsege akumula obra 50. Evaluasaun obra dezeñu ne’e konsege hamosu kontraversaun, tanba Horace Jones hanesan mós juri ida iha kompetisaun ne’e, la’os partisipante.
2. Proses harii ponte ne’e haan tempu tinan ualu (8), husi tinan 1886 to’o 1894. Iha kontratór lima no trabaladór konstrusaun 432 ne’ebé harii ponte ne’e.
3. Dezeñu London Bridge uniku tanba kolabora ponte rua nia dezeñu, mak bascule (Ponte Balansu) no suspensaun (ponte ho pólo suspensaun).
4. Ponte ne’e nia as mak metro 244. Torre rua iha London Bridge ho as metru 65.
5. Iha ema na’in 40.000 ne’ebé liu husi London Bridge lorloron. Husi ponte ne’e bele haree paisajen furak Sidade London hanesan St Paul's Cathredral, Canary Wharf, Maritime Greenwich, no London Eye.
6. Ró bele liu iha ponte pentes ne’e, maibé tenke fó hatene oras 24 nia laran molok atu liu. Uluk enerjia Ponte Balansu mai husi energia a vapor (tenaga uap). Hahú husi tinan 1976, uza mina no eletrisidade hodi hamoris enerjia ba Ponte Balansu.
7. Iha expozisaun ne’ebé hala’o iha fatin ne’e kada tinan, hanaran Tower Bridge Exhibition. Expozisaun ne’e esplika istoria husi London Bridge liu husi atrasaun no video.
8. Naran orijinal husi ponte ne’e mak Tower Bridge, maibé koñesidu liu ho naran London Bridge. Iha mós kantigu ida ne’ebé temi ho naran London Bridge.
Borough Market, Merkadu ho Tinan 1.000
Borough Market la’os merkadu baibain. Iha atividade barak mak bele halo aleinde sosa sasan. Istoria husi merkadu ne’e mós naruk tebes. Portal ofisial Borough Market hatete katak merkadu ne’e iha ona tinan rihun ida ba kotuk. Maske nune’e defisil atu hatene loloos tinan merkadu ne’e eziste.
Fatin Borough Market ne’ebé estratejiku halo merkadu ne’e konsege reziste maske ho idade ne’ebé to’o ona rihun ida. Aleinde London Bridge no Westminster Abbey, Borough Market sai destinasaun favoritu turista sira.
Borough Market lokaliza iha London Bridge nia rohan. Tempu uluk, mota Thames sai dalan uniku atu tama iha sentru sidade, nune’e tenke liu husi Borough Market. Uluk kedan, Borough Market sai sentru atividade komunidade no vizitante sira iha London.
Tuir dadus, iha seklu 16 no 17 iha ona merkadu, restaurante, pub, hotel, no teater iha Borough Market. Tinan 1990, Borough Market muda an sai fatin ema ne’ebé hadomi hahaan (kuliner).
Iha ne’e iha serimonia barak hahú husi festival produtu aihan di’ak liu iha Inglatera, restaurant husi koki artista, demonstrasaun tein, no seminariu lubuk.
Borough Market lokaliza iha Rua 8 Southwark St, London, Inglatera. Merkadu fresku ne’e loke iha Segunda to’o Sabadu husi tuku 10.00-17.00 ba full market ka situasaun ne’ebé loza sira hothotu loke. Estasaun ne’ebé besik liu merkadu ne’e mak London Bridge Station. (*/kompas)
