LADUN defisil atu hetan fatin ne’e. Uma kiik ida ho medida 3x6 metru kuadradu hamriik entre uma seluk nia leet. Maske nune’e, atu asesu ba uma ne’e ema na’in rua labele la’o hamutuk dala ida, tanba dalan ne’ebé iha so ba isin ida de’it.

Iha uma kiik ida ne’ebé lokaliza iha Aldeia 12 Outubru, Tasi Tolu, ne’e mak Afonso da Silva (56) hela. Dezde tinan 2006, Afonso harii uma kiik iha fatin ne’ebé “nain laiha” ne’e hodi bele hamahan netik isin husi loron manas no udan-been.