Prezidente ANC, João Olívio Freitas hatete, lei seidauk define kona-ba sé mak iha kompeténsia atu kontrola uzu teknolojia.

“Facebook ne’e konten, tanba lei la define loloos se mak atu kontrola konteúdu ne’e”, dehan nia, iha salaun Ministériu Transporte Telekomunikasaun, Kaikoli, horisehik.

Nia dehan, iha ona hanoin balun atu futuru tenke iha lei ruma atu fó kompeténsia ba sé atu haree.

Polítika ne’ebé hahú la’o daudaun hodi halo kontrolu maka oinsá atu halo rejistrasaun ba sim card, nune’e bele identifika konsumidór sira ne’ebé utiliza sim card hodi asesu ba ínternet.

Nia dehan, ANC sei presiza lei kontrolu rede esterna, hodi nune’e lisensa ruma presiza autoridade hatene.

Oras ne’e daudaun, iha planu ba tinan 2019 sei ezekuta programa sira liu-liu haree kona televizaun dijitál broadcasting ne’ebé oras ne’e daudaun halo ona konsultasaun públiku.

Hakarak halo liña ínternet ba Timor-Leste, oras ne’e daudaun iha ona planu maka Timor-Leste Research Education in Product, oras ne’e daudaun halo ona ligasaun ona universidade sira ne’ebé inisia ona iha iha tinan 2014 liu ba, liu husi service security ne’ebé formasaun iha tinan 2016.

Nia dehan, antes fó lisensa ínternet service provider, presiza kria uluk relasaun ho operadór tolu hanesan Telemor , Timor Telecom no Telekomcel.