Atu fahe lider sira liu-liu husi rezisténsia, ida ne’e inimigu ninia hanoin la'ós foin maibé uluk iha funu mós hakarak fahe atu fahe atu bele ukun lalais nasaun ne’e no to’o agora mós hakarak fahe.

“Ba ha’u nu’udar lider ida no funu tinan 24 ema ida atu halo oinsá mós ha'u labele kontra ha'u-nia maun sira”, dehan Lere iha Palásiu Prezidensiál Bairru-Pité, horisehik.

Lider sira ne’ebé proibidu ba Lere atu kontra maka hanesan Xanana Gusmão, José Ramos Horta, Mari Alkatiri, Taur Matan Ruak no Francisco Guterres ‘Lú-Olo’.

Lere dehan, sira na’in hirak ne’e sira jura ho raan, sira nia maluk barak maka mate iha sira nia liman laran. Tanba ne’e, maka sira ne’e lider istóriku tenke adora sira hanesan Maromak.

“Ba ha’u ema ida atu hanorin fali ha’u atu hadomi ha’u nia rai lalika”.

Nia hatutan, esperiénsia ida ne’ebé moruk liu ba nia vida iha 1987, bainhira komandante em Xefe Xanana fó sai mensajen 7 Dezembru apartidizasaun FALINTIL. ida ne’e difisil liu, momentu ne'ebá nia ho saudozu Mauodu maka tenke esklarese FALINTIL sai husi FRETILIN no sai povu ninia liman kro'at loloos.