Tuir nia, CNRT mak hakarak atu hadau podér ukun atu forma VIII Governu ne’e sei la akontese. Prefere liu eleisaun antesipada, nune’e entrega ba povu hodi fó fiar ba partidu ida sai vensedór hodi ukun nasaun ne’e.

“Sira-nia mehi atu forma VIII Governu Konstitusionál ne’e mimpi di siang bolong de’it,” dehan deklara Alkatiri, iha Palásiu Governu, horisehik.

Esperansa VII Governu nian katak la nakfera, kontinua hodi ukun nasaun ne’e to’o períodu ida remata.

Maibé, Xefe Governu ne’e mós la fiar bainhira Prezidente Repúblika foti desizaun hodi entrega ba AMP hodi forma Governu, maibé sei foti desizaun tuir dalan konstitusionál.