Portavós AMP, Taur Matan Ruak, iha mini kampania postu Administrativu Kelekai-Baukau hateten, lei pensaun vitalisia partidu FRETILIN mak kria lei ne'e iha Governasaun dahuluk.

Nia dehan, Lei Pensaun Vitalisia ne'e fo prioridade ba eis-titular timoroan sira, nune'e jerasaun husi eis-titular sira mak goza benefisiu, povu baibain kontinua moris kiak.

“Se povu fo fiar ba AMP mak sei muda lei pensaun vitalisia hodi ba fali rejime seguransa sosial kontributivu," dehan Taur, iha Mini kampania Kelekai-Baukau, Sabadu (28/4).

Nia signifika maka kada fulan deputadu sira koa sira nia osan, bainhira sira nia mandatu hotu nia la simu gratis deit, maibe tenke buka fali servisu seluk hodi kontrubui ba fundu ne’e.

Tuir nia, bainhira AMP ukun, Xanana Gusmao ho Taur Matan Ruak mak hamutuk sei muda konstituisaun, tanba tenpu ona lider resitensia nain rua ne'e hadia failansu sira ne'ebe akontese rai laran.

Entertantu nia dehan, ema kritika katak PLP mak hakarak pradu foun iha parlamentu, ida ne’e lalos.

Prezidente parlamentu mak fo ba deputadu Fretilin no PD kontinua kaer kareta tuan hodi la fo fila.

Durante ne’e sira kritika hau husik hela, mais agora iha kamera nia oin hau hakarak koalia, tanba saida? Mak mumentu ne’eba PLP apoiu lelaun laos apoiu hola prado,ne’e sira nia manipula” hakturi Matan Ruak.

Tanba sira dehan, kareta taun ne’e ladiak ona, ne’ebe tenke lelaun. La masuk akal se kareta ne’e at tanba sa mak hakarak atu lelaun, ne’ebe mak PLP halo estrateziu ida lori ba lelaun mais ba publik.