Peskizadór AJAR Inocêncio de Jesus Xavier  hateten, liga ho asuntu membru governu nain 9 ne’ebé seidauk kompletu, konserteza iha impaktu ezekusaun ba Orsamentu Jerál Estadu tinan ne’e.

Entremus de Ministériu importante sira ne’ebé tuir loloos atu implementa ka ezekuta programa ne’e, tanba iha Ministériu ne’ebé too oras nee sei mamuk hela no koordena hela husi Ministru Agio Pereira.

“Solusaun maka, kontinua fó pose ka muda estrutura membru governu, ida ne’e halo remodelasaun estrutura, nune’e Ministériu sira ne’ebé laiha, lalika iha ona,” dehan Inocêncio Xavier iha kna’ar fatin, Faról, Dili, Segunda (18/02).

Kona ba impaktu husi orsamentu nee ladun boot, tanba iha ona Ministru koordenadores no mós sekretáriu estadu inklui vise ministru sira neebe bele halo  servisu balun.

Maibé, buat balun ne’ebé iha nivel desizaun ne’e labele foti tanba Ministru ida ne’ebé iha kompeténsia atu deside mak laiha.

Ho asunutu ne’e Primeiru Ministru mak iha kompeténsia nu’udar Xefe Governu atu halo enkontru ho partidu koligasaun ne’ebé nia lidera, nune’e ba hadi'a situasaun ne’e.

“Xave la’os iha Prezidente Repúblika maibé xave ne’e iha AMP,” dehan Inocêncio.