Nia dehan, iha prosesu funu ne’e sira balun ba rai liur no balun la halo delegasaun FRETILIN iha sira nia servisu interior ne’ebé halo servisu ida.
Nia hatutan, uluk vise-prezidente no premeiru ministru nia maka haruka sai ba liur atu ba luta diplomatika. Iha tempu ne’eba Indonezia ameasa oioin tama tan ona iha rai laran.
“Ha’u hanesan reprezentante FRETILIN ba Portugal ho Europa. Ami na’in lubuk oan ne’e ho Roque Rodrigues ho ha’u nia ferik-oan, Guilhermina Araujo ami halo servisu la’o ba-mai ba mundu tomak atu buka kominudade internasionál atu duni atu hasai tropas Indonezia husi ita nia rai laran”, dehan Abilio Araujo, iha kampaa partidu FRETILIN, iha munsipiu Aileu, horisehik.
Abilio dehan, referendu mosu mai balun dehan sira nia obra, tanba ne’e uluk mundu la hatene iha ne’ebé sira ba tuku odamatan la’o ba nasaun oioin sira ne’e atu impede neineik Indonezia bele manan iha ONU.
FRETILIN Maka Bele Kombate Korrupsaun
Fundadór partidu FRETILIN, Abílio Araújo hateten, partidu FRETILIN hó lideransa Sekretáriu Jerál Marí Alkatiri de’it maka bele kombate korupsaun iha Timor Leste.
Abílio Araújo, rajaun fó apoiu ba partidu ne’ebé lidera husi Marí Alkatiri atu bele kombate korupsaun iha Timor Leste, hakarak atu kombate korupsaun iha Timor.
Tanba tuir nia, durante ukun tinan sanulu, gasta ona osan hamutuk billiaun $14 ba obra sira iha Timor, maibé obra sira ne’e laiha kualidade. Osan barak maka tama ba ema nia bolsu.
“Ita hotu hatene iha tinan sanulu nia laran, dollars billiaun $ 14 maka gasta, iha obras balu halo maibé osan barak lakon tanba. Obras laiha kualidade, osan barak tama iha ema barak nia bolsu,” dehan nia.
Nune’e, halo nia preukupa hó situasaun ida ne’e hodi disidi fó apoiu ba jerasaun tinan 1974 no 1975 atu hamrik nafatin hodi fó apoiu ba FRETILIN atu manan iha eleisaun antisipada 12 maiu fulan oin.
“Programa sétimu governu ne’e maka ita hakarak apoiu oras ida ne’e, so FRETILIN de’it hó primeiru ministru doutor Marí Alkatiri maka bele hala’o programa ne’e atu kombate korupsaun, atu fóti liberta ita nia povu husi mukit no ki’ak,” Abílio Araújo, iha kampu futebol munisípiu Ainaro, Sesta (14/4).
Nia hatutan, FRETILIN kontinua lori programa sétimu governu ne’ebé opozisaun sira rejeita no vota kontra iha parlamentu nasionál baihira sétimu governu aprezenta.
Aleinde ne’e nia dehan, Timor Leste nia osan iha fundu minarai hela billiaun $16 de’it ona, tan ne’e tenke fó votu ba FRETILIN, atu nune’e bele salva osan billiaun $16 ne’e.
Tan ne’e, nia apela ba inan aman no uma lisan tomaka ainaro nian, atu hamrik hodi fó apoiu tomaka ba FRETILIN iha eleisaun antisipada ida ne’e. Tanba ne’e eleisaun ida ne’e hanesan referendum ida. Tan ne’e iha tinan oin mai, distinu Timor Leste sei hasoru dezafiu bo’ot.
Nune’e mós, iha komísiu polítiku FRETILIN nian ne’e hetan supervizaun husi Komisaun Nasionál Eleisoens (CNE), no mós hetan siguransa máximu husi Polísia Nasionál Timor Leste (PNTL) no Falintil Fórsa Defeza Timor Leste (F-FDTL).
