"Turizmu komunitariu labele halo Ótel boot no fó hahán ho Com nian, lá'os bá sosa iha Manatutu mak mai fó fali bá turista sira,fó imi nia hahán rasik sira gosta mai bei-beik,"katak PM Xanana

 Xefi Governu mós husu bá komunidade Lautém oan sira labele soe foer 'lixu ba tasi laran hodi hafoer tasi ne'ebé moos ne'e.

"Tasi Com moos sa'e Bero hateke bá Tasi laran ikan mesak kór oin-oin de'it tasi furak husi ne'e bá to'o Tutuala, tanbá populyla hela besik tasi sei moos ida ne'e sai motivu ida bá ekonómika Azul sei bolu ema mai vizita to'o rai maran han saida mak imi iha ne'e produs,"Nia hatete

Nia mós husu bá Administrador Postu Lautém ko'alia ho joven sira labele hemu tiha bee soe foer bá tasi.

" Ita boot ko'alia ho Joven sira hemu bee soe labele estraga tasi,estrada ne'e mós kria kondisaun turista sira bele mai hela iha ne'e,imi halo Ótel boot ho folin karun ema la mai,di'ak liu halo uma kiik ema mai han haris tasi,han hare ita nia Rikusoin iha tasi laran sei hatama osan barak mai Lautém bá to'o Tutuala no Lore,ho kamizola,"Ha'u nia Tasi, Ha'u nia Timor", ida ne'e ha'u fó responsabilidade boot ida bá xefi Administradór Postu Lautém," PM Xanana dehan

Iha fatin hanesan Ministru Obras Públika (MOP) Samuel Marcal mós hatutan,Com ne'e area turizmu tebes estrada di'ak bele fasilita turista sira mai iha ne'e.

"Ha'u fiar katak ho komunidade hotu nia apoiu tanba iha ne'e área turizmu nian estrada hotu sei fasilita tebes turista barak mai iha ne'e komunidade sira nia produtu bele folin, husi imi hotu kopera tanbá estrada hanesan fasidade ida haburas Setór Turizmu, ekonómia  moris, agrikultur hotu estrada Uat raan ekonómika nian atu funsiona importante tebes bele funsiona tuir kontratu,"Tenik Ministru Obras

Iha sorin seluk,Prezidente Autoridade Munisípiu Lautém informa,nia hanoin orientasaun husi primeiru Ministru nian kona bá prezerva Tasi Azul hala'o ona iha tinan kotuk.

 "Ita halo ona iha tinan kotuk, fulan Juñu molok ita selebra, ita hamos Tasi Ibun hotu husi Com to'o Tutuala no bá to'o iha Iliomar, Munisípiu mós tau programa kada fulan ida entidades hotu tun bá hamos Tasi Ibun dala ida prezervasaun bá ita nia Tasi,"tenik PAM Lautém Melio de Jesus

Nia hatutan kona bá kuidadu Tasi ema labele soe lixu arbiru ne'e avizu sirkular PAM fó sai ona.

"Ita fó sai lá'os de'it komunidade sira hela iha tasi ibun, maibé foho leten labele soe foer arbiru ne'e mak bee ne'e sulin husi foho-leten lori tun mai Tasi,ita avizu jeral bá komunidade no ita hotu tau Importánsia bá ekonomia azul, tanbá ita boot sira Lautém ne'e iha Tasi mane no Tasi feto nomós Tasi ida ne'ebé ema bolu Timor Tenga Uatara ne'ebé baliza ho illa sira husi Indonézia nian iha provínsia Maluku Tengara, Tasi boot iha Timor ne'e só Munisípiu Lautém ne'e tuir Munisípiu Manatutu, avizu ida ne'e ami fó sai tiha ona,"katak PAM Lautém

Prezidenti Autoridade ne'e esplika,komunidade sira ne'ebé la kumpri kontinua soe lixu bá Tasi laran sei iha sansaun liu husi Administrativu.

"Ita iha sansaun entermua administrativu karik bele prezudika kontra regulamentu ita prosesa tuir Lei, ha'u avizu bá Xefi suku sira hotu sira la tuir orientasaun Governu nian, Governu sei halo administrasaun bá fatin sira ne'ebé la kumpri regras ne'ebé ita implementa,"Nia konklui