Voleiból praia, Cabo-Verde simu derota kontra Portugal Featured

By Vascolino Germano Jullu 23, 2025 168
Foto:Media MJDAK. Foto:Media MJDAK.

DILI: Jogu Voleiból praia mista, ekipa Cabo-Verde simu derota kontra ekipa Portugal  ho pontu ne’ebé took 18-42.

Jogu voleiból entre ekipa rua iha set dahuluk, ekipa portugál hala'o jogu ho agresivu no domina liu set dahuluk hodi halakon Cabo Verde 21-7.

Hakata ba set daruak, Portugál nafatin hala'o jogu ho tátika ne'ebé iha hodi domina kampu, nune'e nafatin buka aumenta poin, atu bele termina jogu ne'e.

Enkuantu Cabo-Verde tenta ho esforsu tomak buka poin, atu bele halo impata jogu, maibe Portugal ne'ebé dominante tebes, nune'e Portugál nafatin haterus ekipa Cabo Verde ho Pontus 21-11.

Jogadór voleiból Praia Portugál,  Filipe Neto, nia parte  sente kontente, tanba bele  hetan vitória dala ida tan ho sira  adversáriu husi Cabo-Verde.

“Ami sempre kontente ida ne'e sempre vitória ida seluk hodi hakat ida tan ba oin, ami nia objetivu prinsipál mak remata dahuluk, atu ami bele iha tempu ne'ebé fásil liu iha semi finál sira, ami hasoru ekipa ikus iha grupu,” Dehan Filipe Neto, ba jormalista sira, iha kampu voleiból praia Lesidere, Tersa (22/07).

Nia dehan, Portugál mai ho nia tátika no tekniku  rasik oinsá  atu  buka bola no remata hodi hamate bola husi adversáriu.

"Maneira ne'ebé ami halo, ami sente fiar-aan tebes katak ami bele manán jogu duplu mistu sira ne'e, ami nunka hasai ami nia ain hosi gás, ami sempre dudu atu hetan marjen ida ne'ebé boot liu, hodi fó konfiansa liu ba ami nia aan iha ami nia jogu, ha'u fiar duni katak  Portugal  sei manán jogu duplu mistu sira,” Nia informa.

Atleta portuguésa ne'e adianta jogu ne'e presiza treinu loron-loron  no fó tempu barak no presiza fasilidade sufisiente, atu  bele atinje objetivu.

“Iha jogu sira ne'e no atu hetan bolu ba selesaun nasionál, presiza fó ita nia tempu lor-loron, iha sesaun treinu hot-hotu, no mos iha jogu hot-hotu, atu iha ne'ebé de't ita iha, atu reprezenta ita nia rain, no atu manán medalla sira,” Nia relata.

Nia  afirma, sira nia adversariu mos jogu ho di'ak tebes, maibe sira nia ekipa halo kontra atake, nune'e difikulta tebes adverasriu atu manan.

"Ami hakfodak uitoan, sira mos ekipa ne'ebé di'ak, ekipa ida ne'ebé fó buat ruma ba ami atu joga iha parte balun hosi jogu, liu-liu iha inísiu husi set daruak, sira hahú impoin ami nia jogu no  kria difikuldade balu ba ami, maibé ho ami nia treinu no preparasaun, ami konsege to'o iha ne'e ho preparasaun di'ak ba buat hotu, ba tipu ekipa ruma ne'ebé bele mai ami, no manán jogu ho fasil liu,” Nia hatete.

Nia aprofunda, nasaun  ne’ebé la iha talentu voleiból hanesan Portugál, tanba  Portugal mak nasaun ida ne'ebé prodús ona atleta sira ne'ebé  di'ak tebes iha nivel mundiál.

“Maibé ekipa ida ne'ebé iha preparasaun menus liu duké ami, Ami treinu hasoru atleta seniór sira, hasoru balun ne'ebé joga iha sirkuitu nasionál, enkuantu karik ekipa seluk iha preparasaun ne'ebé ladún ezijente uitoan, atu iha jogu sira-ne'e,” Tenik nia.

Enkuantu, jogu refere lidera husi arbitru José Selestinu no Cormonezia da Silva, Jogadór Portugal reprezenta husi, Filipe Neto no Matilde Silva no husi Cabo-verde reprezenta husi Denzel Ramos no Catarina Fonseca. 

Rate this item
(0 votes)
Last modified on Kuarta, 23 Jullu 2025 11:09

Independente Digital TV

Follow us on Facebook

Kalendariu Notisia

« July 2025 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31