Tanba ne’e, nia dehan, Governu liu husi Ministeriu Solidariedade Sosial no Inkluzaun (MSSI) hamutuk ho Sekretaria Estadu Igualidade no Inkluzaun no mós Ministeriu Saúde, sei servisu maka’a liu tan, atu ajuda sosiedade sivil sira, halo atendimentu ba kazu violensia bazeia ba jéneru ne'ebé hasoru feto no labarik feto sira iha Timor-Leste.
"Uma Mahon sira iha munisipiu sira, inklui Dili sei funsiona hodi halo atendementu no fó apoiu ba iha vitima sira ne'ebé persija protesaun no persiza mahon atu hela bá iha kualker tempu,”dehan nia ba jornalista sira iha Maubara Room, Timor-Plaza, tersa ne’e (10/05).
Nia haktuir, Uma Mahon sira ne’ebé durante ne’e eziste iha TL, mak hanesan, Uma Mahon Maria Tápo, Fokupers, Alfela, Rede Feto, PRADET, CasaVida no seluk tan.
Entretantu, molok ne'e, Ministériu Saúde (MS) kria ona planu hodi tau orsamentu atu bele harii tan Uma Mahon ba iha munisipiu hotu-hotu hodi bele fó tratamentu no fó asisténsia ba kazu violensia bazieia ba jéneru.
Vise-Ministru MS, Bonifaçio Maukoli dos Reis, hatete, dadaun ne'e parte MS kria ona planu osamentu atu bele harii tan uma mahon iha munisipiu sira.
"Iha tinan ida ne'e Ita sei halo tan uma mahon atu nune'e iha munisipiu hotu-hotu tenke iha uma mahon, para bainhira akontese kazu VBJ iha fatin mahon ruma atu bele halo tratamentu,"dehan nia Timor-Plaza foin lalais ne’e.
Enkuantu, munisipiu hitu dadauk ne’e Uma Mahon estabelese ba mak hanesan, Baukau, Ermera, Kovalima, Bobonaro, Vikeke, Líkisa, Dili inklui RAEOA.
