Enkuantu, Enkuantu, traballadór na’in 242 ne’ebé atu ba servisu iha Australia kompostu husi mane na’in 170 no feto na’in 72.
Tuir Diretór DNEE, Filomeno Soares, hatete, traballadór hirak ne’e sei ba servisu iha area ortekultura, agrikultura no pabrika ko’a na’an nian.
Nia dehan, husi traballadór hirak ne’e, balun hetan kontratu fulan sia (9), balun tinan ida (1) no balun to’o tinan rua (2).
“Ba feto sira, ba hotu iha ko'a na'an no no sira nia kontratu to’o fulan sia,”dehan nia, iha Ótel Timor Lodge, kinta ne’e (22/09).
Nia dehan, aleinde, traballadór na’in 242 ba servisu iha Australia, iha mós na’in 15 ne’ebé iha tempu badak mós sei tuir ba Australia, tanba sira nia viza foin tama iha loron 21 fulan setembu tinan ne’e.
Enkuantu, iha oportunidade ne’e, Diretór Nasional Empregu Exterior mós hato’o agradese ba Governu Australia liu-liu parseiru sira ne'ebé ho espiritu umanu hodi komunika di'ak ho Timor-Leste bele hetan konfiansa nafatin hodi haruka timoroan sir aba servisu iha nasaun refere.
Entretantu, Manager ba Programa PLS iha Timor-Leste, Maria Braz, hatete, Governu Australia nafatin servisu hamutuk ho SEFOPE, hodi fó nafatin oportunidade ba timoroan sira hodi ba servisu iha nasaun refere.
Tan ne’e, nia parte, husu ba traballadór sira atu servisu ho no hatudu komportamentu di’ak.
