“Kona-ba rekursu Partidu FRETELIN nian ha’u labele esplika konteúdu desizaun tanba desizaun ne’e ami juis koletivu mak deside”, dehan Prezidente Tribunál Rekursu, Deolindo dos Santos, iha servisu fatin, Kaikoli-Dili, horisehik.
Maski nune’e, kazu hirak ne’ebé Partidu FRETILIN aprezenta ne’e maioria maka hetan rejeisaun.
Hafoin desizaun ne’e fó sai Tribunál Rekursu sei halo notifikasaun ba partidu polítiku sira ne’ebé iha interese ba prosesu ne’e.
Nia esplika, lei hatete, Tribunál fó sai rekursu Partidu FRETELIN nian uluk hafoin hatún fali proklamasaun ba eleisaun antesipada husi partidu polítiku sira nian, tanba nia prazu sei la’o hela.
