Fortalesimentu integrasaun rejionál signifika, hametin amizade, kooperasaun no interese hamutuk entre país sira iha rejiaun ida de’it atu alkansa prosperiedade, estabilidade no dezenvolvimentu bá ema hotu.

Primeiru-Ministru mós atualiza asuntu ne’e bá Prezidente Repúblika (PR), José Ramos-Horta durante reuniaun semanál iha Palásiu Prezidente Nicolau Lobato, Bairru-Pité, sesta (12/06/2026).

Involvimentu Timor-Leste nian iha forum ASEAN sira sai esensiál atu asegura katak nasaun bele hetan apoiu polítiku no tékniku hosi Estadu membru sira iha futuru.

Prezensa iha reuniaun rejionál sira permite Timor-Leste defende diretamente nia interese nasionál, inklui iha área ekonomia, komérsiu, investimentu estranjeiru, infraestrutura, turizmu, seguransa alimentár no enerjétika, nune’e mós dezenvolvimentu sustentável.

ASEAN sai plataforma importante ida atu Timor-Leste aprende hosi esperiénsia Estadu sira seluk iha área governasaun, integrasaun ekonomia, jestaun krize no kooperasaun rejionál ne’ebé bele kontribui bá reforsu instituisaun nasionál.

“Timor-Leste tenke kontinua involve an ho seriedade iha reuniaun sira ASEAN nisn hanesan país ne’ebé prepara-an atu asume responsabilidade totál iha komunidade rejoinál,” Xefe Governu hateten.

Partisipasaun no diplomasia ativa iha ASEAN sei aumenta vizibilidade Timor-Leste nian iha arena internasionál, hodi demonstra katak país komprometidu bá estabilidade, páz no dezenvolvimentu rejionál.