Ínisiu jogu set dahuluk, ekipa Timor-Leste lidera uluk pontu 5, nakonu ho esforsu atu bele mana set dahuluk, maibe Ekipa Portugál koko hamate bola husi ekipa Timor-Leste liu husi tatika no esperensia ne'ebé sira iha.
Jogu sai manas liu tan, Ekipa rua ne'ebé mai ho estratejia ne'ebé kuaze atu hanesan, tanba ne'e ekipa rua nia pontu la dook malu, maibe Ekipa Portugal ne'ebé mai ho jogu agresivu, nune'e Portugal lidera set dahuluk ho pontus 21-18.
Hakat ba jogu set daruak, Ekipa ekipa rua nafatin halo kontra atake ba malu, hodi nafatin buka point, atu bele manan jogu nee rasik.
Iha jogu daruak nee, Ekipa Portugal ho Timor-Leste hotu-hotu esforsu, maibé ekipa Portugál mai tatika ne'ebé di'ak no nafatin aumenta pontu.
Maske nunee, Ekipa Timor-Leste koko atu hamate Portugál nia jogu, maibe Portugál nafatin meius atu hetan pontu, ikus mai Portugál konsege lidera pontu 21-13.
Husi rezultadu nee, Timor-Leste lakon hodi fó vitória ba Portugál sai hanesan manan ba kampiaun jogu voleiból praia Femenina CPLP 2025.
Jodadora Femenina Timor-Leste, Miguela Pereira Ximenes, sente triste ho rezultadu ne'e, tanba la konsege lori vitoria ba Timor-Leste.
“Ami mos esforsu makaas atu manan, maibé ema mai ho fiziku ne'ebé liu ita, tanba ne'e ita lakon iha postura,” Dehan nia, ba jornalista INDEPENDENTE, iha kampu voleibál praia lesiderE, Kinta, (24/07).
iha fatin hanesan atleta femenina Portugal, Matilde Silva, sente orgullu tanba bele rekolla medalla osan mean ida.
“Iha primeiru jogu ami nia adversariu jogu di'ak liu, maibe ami koko halo jogu ho estratejia ne'ebé di'ak no konsege manan jogu ida ne'e,” Nia relata.
Nia afirma ,laos manan de'it jogu, maibe manan mos esperensia no importante liu mak kria amizade entre jogadór sira.
Purtantu, Portugál sai hanesan manan na'in dahuluk hodi rekolla medalla osan-mean, Timor-Leste okupa iha segundu lugar rekolla medalla mutin, enkuantu Mozambique okupa iha terseiru klasifikasaun ho medalla osan-metan.