TL-Austrália Kontrata Kompaña Wood-Australia Halo Estudu Bá Konseitu Dezenvolvimentu Greater Sunrise Featured

By Ivonia Varela Abril 10, 2024 165
Reprezentante Espesiál Austrália ba Greater Sunrise Esteve Bracks hasoru malu ho Primeiru Ministru Kay Rala Xanana Gusmão, iha Palásiu Governu, Segunda (08/04). Foto:,Media GPM. Reprezentante Espesiál Austrália ba Greater Sunrise Esteve Bracks hasoru malu ho Primeiru Ministru Kay Rala Xanana Gusmão, iha Palásiu Governu, Segunda (08/04). Foto:,Media GPM.

DILI: Governu Timor-Leste (TL) no Austrália kontrata ona kompaña Wood-Austrália atu halo estudu bá konseitu ba kobseitu dezenvolvimentu Griter Sunrise, ne’ebé realiza iha semana kotuk no tuir planu sei konklui iha tinan 2024.

Reprezentante Espesiál Austrália ba Greater Sunrise Esteve Bracks hatete, progressu ida hosi Greater Sunrise maka Timor-Leste (TL) ho Austrália kontrata ona kompañia Wood-Austrália ne’ebé ninia edifísiu iha Londres hodi halo estudu bá konseitu ekonómiku iha semana kotuk no tuir planu sei konklui iha tinan 2024.

Esteve Bracks konsidera reuniaun ho Primeiru-Ministru Xanana Gusmão ho Ministru Petróleu, Rekursu no Minerál pozitivu tebes tanba konsege halo diskusaun kona-bá Greater Sunrise no oinsá dezenvolve iha futuru.
“Ami hili no kontrata ona kompañia ida hodi halo estudu bá konseitu ekonómiku bá projetu Greater Sunrise. Rezultadu estudu ne’e sei fó-sai iha tinan ida-ne’e,” dehan Esteve Barcks iha Palásiu Governu, Segunda (08/04).
Reprezentante afirma, hosi estudu ne’e mak bele hatene loloos projetu ne’e dezenvolve iha ne’ebé no oinsá.
Tanba, iha fulan-Novembru 2023, reprezentante espesiál ne’e hasoru ona Xefe Governu Timor-Leste hodi ko’alia kona-bá estudu ne’ebé daudaun ne’e halo hela no sira defende katak, Austrália prefere halo estudu viabilidade foun bá konseitu dezenvolvimentu Greater Sunrise.
Estadu Timor-Leste liuhosi Timor GAP, E.P hola parte ona iha konsórsiu Greater Sunrise ho partisipasaun maioria reprezenta 56,56%, Woodside (operadora) 33,44% no Osaka Gas 10%.
Asuntu ne’e hato’o hafoin Reprezentante Espesiál Austrália ba Greater Sunrise, Esteve Bracks, hasoru-malu hikas ho Primeiru-Ministru (PM), Kay Rala Xanana Gusmão no Ministru Petróleu no Rekursus Minerais, Francisco da Costa Monteiro hodi atualiza progressu dezenvolvimentu Greater Sunrise.

Rate this item
(0 votes)
Last modified on Kuarta, 10 Abril 2024 14:57

Independente Digital TV