Vise Primeiru Ministru Santa Se ne’ebé substitui husi Sekretária Estadu, Arsebispu Edgar Peña Parra hatete, Amu Papa Francisco sei hala’o vizita pastoral mai Timor-Leste iha tinan 2023.
"Hamutuk ho Prezidente Parlamentu Nasionál ho líder bankada parlamentar sira ko'alia mós uitoan kona-ba vizita santu Padre Papa Francisco nian ne’ebé planeia ba tinan oin," dehan Arsebispu Edgar, iha Parlamentu Nasionál, Sesta (23/09).
Arsebispu Edgar dehan, Papa Francisco trata nia viajen mai Timor-Leste iha tinan oin, maibé hamutuk halo buat kmanek sira atu hatudu katak povu Timor-Leste iha konvite, tantu husi parte igreja no governu, iha seriédade atu simu Papa Francisco nia konvite.
Iha fatin hanesan, Prezidente Parlamentu Nasionál, Aniceto Longuinhos Guterres Lopes hatete, hanesan reprezentante povu hato'o ba Vise Primeiru Ministru Santa Sé kona-ba vizita Santu Padre.
"Ohin ha'u hato'o ba Vise Primeiru Santa Sé ba povu Timor-Leste ne'ebé maioritariamente Katóliku, mais 90% Katóliku, nia dezeju no solisita Papa Francisco nia vizita ba tinan oin," dehan nia.
Nia dehan, Amu Papa sei vizita TL iha tinan oin, maibé seidauk hatene loos data Amu Papa mai.
"Ohin ha’u hamutuk ho Xefe Bankada Parlamentares,ami pronunsia ami husu ba Vise Primeiru Ministru atu Amu Papa bele mai vizita Timor-Leste iha tinan oin," katak nia.
