Tinan 20 Konsulta Popular, Tempu atu Hadia, La’os atu Festa

Dezembru 23, 2024

Nasional

Tinan 20 Konsulta Popular, Tempu atu Hadia, La’os atu Festa ^Featured

By Elsa Belinha Agostu 14, 2019 9495

Alkatiri. Foto INDEPENDENTE

DILI: Iha loron 30 Agostu tinan ida ne’e, Timor Leste sei komemora loron Konsulta Popular ba tinan 20. Loron ne’e sai nu’udar loron importante ida ne’ebé determina destinu Timor-oan sira.

Eis Prezidente Autoridade Rejiaun Administrativa Espesial Oekusse Ambeno (RAEOA) Mari Alkatiri hatete, loron Konsulta Popular nu’udar rezultadu husi luta Timor-oan sira nian durante tinan 24 hodi fanu komunidade internasional.

Oportunidade ba ukun an mós nakloke hafoin asina akordu 5 Maiu entre Portugal no Indonezia iha ONU nia mahon.

Ba tinan 20 loron Konsulta Popular, Alkatiri dehan, laos tempu atu halo festa maibé oinsa hateke ba kotuk hodi hadia povu nia moris hodi sente naroman.

“30 de Agostu halo festa bosok ita nia an. La’os tempu atu halo festa. Tempu par halo balansu ida ho objetivu atu diskuti didi’ak saida mak loos, saida mak sala par atu hadia,” deklara Alkatiri hafoin fó omenajen ikus ba saudozu Komadante Maubrani iha Maubara, Sesta (09/08).

Rate this item

(0 votes)