“Lori sala situasaun no povu timor laran tomak nia naran agradese ba maluk nain 10 no sira ne’ebé hela iha izolamentu vera cruz, no kuarentena sira kooperasaun esforsa atu moras ne’e labele hadaet ba timor laran,”dehan Dr. Sergio Lobo, iha fatin izolamentu Vera Cruz ohin, (01/05)
Eis Ministru Saúde ne’e realsa, haree ba esperensia nasaun liuliu Brazil nian husi ema ida positive bele afeita ba ema rihun ba rihun mak kona infesaun no mate.
“Agradese tebes alin sira tanba sira nia esforsu atu hela tuir regra iha izolamentu hamutuk ho Ministeriu Saúde hodi evita propagasaun moras ne’e iha timor laran,”dehan nia.
Timorr-oan na’in 10 ne’ebé rekuperadu mai husi kuarentena Otel Katuas, kompostu feto na’in lima (5) mane na’in lima (5).
Fatin hanesan reprezentante pasiente rekooperadu Covid-19, Feliciano Amado de Carvalho konta tuir viajen ne’ebé hala’o husi indonezia mai Timor-Leste to’o afeita Covid-19
Nia dehan, esperensia ne’ebé nia hasoru durante iha Otel Katuas, depois muda ba tasi tolu no tama fatin izolamentu Vera Cruz.
“Ha’u mai husi indonezia Kediri, Subaya Kupan, Atambua, iha loron 1 fulan-Abril husi fronteira mai otel katuas, no durante ne’e iha Otel Katuas buat hotu lao di’ak, laiha problema han hemu toba fatin di’ak,”tenik nia
